RIBA NA REHANI KATIKA UKRISTO.

Kama tunavyojua shetani ni muwindaji hivyo huweka mitego kutunasa .Na mitego hii haiwi wazi wazi na hulenga sehemu ambayo ni rahisi kuwanasa watu wengi kwa hila.

2Timotheo 2;26.wapate tena fahamu zao nakutoka katika mtigo wa ibilisi

Miongoni mwa vitu vilivyoibuka Tanzania na duniani kwa ujumla makanisani yamekuwa mitego.Nayo ni SACCOS NA RIBA makanisani.Na makanisa mengine yako mbioni kuanzisha BENKI na SACCOS.Je tunakumbuka Yesu alivyosema nyumba yangu mmegeuza kuwa nyumba ya biashara? .Yohana 2;13-16…..msiifanye nyumba ya baba yangu kuwa nyumba ya biashara.......

         Benki na SACCOS inaendesha biashara kwa kudai riba .Riba ni mtego mkubwa sana katika ukristo.

       

Sasa Je mtu aliyeokoka anaweza kumkopesha mtu  na kudai kurudishiwa riba?                    

Riba ni kiasi cha ziada nje na mkopo wenyewe.

Rehani ni kile kitu kilichotolewa kama fidia kwakushindwa kulipa mkopo.

REHANI.

Kama mtu ameshindwa kurudisha mkopo ukataka kuchukua rehani kwa mujibu wa maandiko matakatifu huruhusiwi kumchukua au kumnyang’anya kitu chochote ila unatakiwa mdaiwa achague mwenyewe anachotoa.Kumbukumbu 24;10-13,..umkopeshapo jirani jirani yako chochote kikopeshwacho usiingie nyumbani mwake kutwa rehani kwake...........

Kama mdaiwa ni maskini hutakiwi kuchukua kitu muhimu kwake mfano nguo,chakula nk ila kwa idhini yake atatoa chochote kama rehani

.Kutoka 22;26-27........

Kama mtu ni mjane ni mwiko kabisa kuchukua nguo zake kama rehani au ng’ombe wake..Kumbukumbu 24;17-18.Ayubu 24;2,3b,9b.

Maskini ndio hao wanao chukua mikopo na wengine ni wajane je kanisa litakwepa vipi katika utoaji wa mikopo na rehani tena bila upendeleo?

     Kitu ambacho ni uhai au la kijisitiri huruhusiwi kutochukua kama rehani.Au na mna yyoyote ya kumkosesha mtu kula au riziki ni kosa tena biblia imelifananisha na jiwe la kusagia ukichukua jiwe lolote kati ya yale mawili la juu au la chini ni kosa kwasababu utakuwa umemkosesha kula.

Unatakiwa uwe na moyo wa kusaidia na sio kutafuta faida.Kumbukumbu 24;6-10.

Hatuwezi kuchukua shamba la mtu au mizabibu kwa rehani.Nehemia alikasirishwa sana na hilo .Nehemia 1;1-4 ndugu linamaanisha waliookolewa kwani baba yetu ni mmoja.Warumi 16;14,1;1.Mathayo 18;15-17.Miili yetu kama yao maana yake nao wanakula kama sisi wanategemea mashamba na chakula.

RIBA

Kama unamkopesha ndugu yako(aliyeokoka) hautakiwi kumdai riba ila kwa watu wa mataifa(ambao hawajaokoka)Kumbukumbu 23;19-20. Walawi 25;35=38’Nehemia 5;1-6,5;7-10.Nehemia alikasirishwa sana kwa habari ya riba.

Sifa za atakaye ingia mbinguni Zaburi 15;1-5”hakutoa fedha yake kula riba”Nyakati hizi watu watapernda fedha tuwe makini.2Timotheo 3;2

TANZANIA NA OIC:Lijue lengo kuu la Azimio la Abuja

: Lijue lengo kuu la Azimio la Abuja

Baptiste Mapunda

Toleo la 230

14 Mar 2012

WATANZANIA wengi kama mimi tulikuwa tukisikia tu kuhusu Azimio au Tamko la Abuja na Sheria za Kiislamu. Azimio hilo lilifanyika nchini Nigeria katika mji wa Abuja, mwaka 1989 ndiyo maana linaitwa Azimio la Abuja. Jumatatu ya Machi 12, mwaka huu, katika pita pita mjini Nairobi nimebahatika kupata gazeti linaloitwa " The ministry".
Katika gazeti hilo nikaona kwa mbali neno "Abuja declaration  and the Sharia law."  Nikalinunua gazeti hilo. Baada ya kulisoma, nikaridhika na nikaunganisha na yanayotokea katika nchi yetu ya Tanzania, juu ya harakati za wenzetu Waislamu ikiwa ni utekelezaji wa tamko hilo muhimu la Abuja.
Tamko au Azimio la Abuja linahusu nini hasa? Kadiri ya maelezo katika internet na gazeti hilo, inaonekana wazi kuwa Azimio la Abuja ni tamko rasmi juu ya Uislamu barani Afrika (Islam in Africa). Kwa hivi tunaweza kusema au tunasema kwamba  hili tamko lilitolewa katika kilele cha kongamano la Uislamu barani Afrika. Kongamano hili liliandaliwa na nchi 46 za Kiislamu zinazojulikana kama OIC (Organization of Islamic Conference).
Lengo la umoja huu ni kuuendeleza Uislamu barani Afrika, kutekeleza mikakati ya kiislamu na kutatua matatizo yanayolikabili Bara la Afrika kama vile ukimwi, kifua kikuu, njaa na majanga mengine. Lakini pia inasemekana hata kuona maadili yanafuatwa katika bara hili. Haya si mambo mabaya lakini swali la msingi ni; je, kwa kutumia sheria gani?
Inadaiwa kwamba katika yote hayo lengo kuu la OIC na hasa kupitia Azimio la Abuja ni kuona kwamba Bara lote la Afrika linakuwa la kiislamu. Huu ndiyo ukweli wa mambo na wala si uchochezi wala propaganda, ukitaka ukweli nenda tu kwenye internet utaupata najisomee maandishi mbalimbali juu ya umoja huo wa nchi za kiislamu, yaani OIC.
Kama mwandishi wa habari (mwanataaluma kamili) kazi yangu ni kuelimisha umma na si kuupotosha kamwe. Inaonekana wazi kwamba umoja  huu wa nchi 46 za kiislamu, sijui kama Tanzania imejiunga au bado lakini OIC ndiyo mwakilishi  na mzungumzaji wa masuala ya pamoja yanayohusu Waislamu barani Afrika na duniani kote kwa ujumla.
Sehemu ya madhumuni ya OIC, kupitia Azimio au Tamko la Abuja ni; "kufuta katika hali zote imani ya dini isiyo ya kiislamu katika nchi wanachama. Na imani ambazo itabidi zifutwe ni dini ya kikristo, na nyinginezo ambazo hazikubaliani na imani ya kiislamu.
Kwa mantiki hii, ni dhahiri kwamba kama Tanzania itajiunga na Umoja huu wa  nchi za kiislamu itabidi dini nyingine zisizokubalika kwa imani ya kiislamu basi zifutwe. Sasa swali; je, hapa kuna uhuru wa kuabudu kweli? Na kama nia ya kutaka Tanzania ijiunge huko ni dhahiri Katiba yetu ya Tanzania ni lazima ibadilishwe kwanza, kwa sababu kwa sasa hairuhusu.
Lakini kwa upande mwingine, madhara ya Azimio hili la Abuja tunayasikia mara nyingi nchini Nigeria ambako Wakristo wengi wamekwishauawa kikatili; je, hii ni halali?
Ukichunguza kwa kina unaweza kubaini kwamba utekelezaji wa Azimio la Abuja unakuja pole pole, hauna haraka. Na ninasema wazi kwamba katika uchunguzi wangu nchini Tanzania, mipango hii pia imeanza kutekelezwa kimya kimya na kwa uangalifu mkubwa sana.
Hata hivyo, kwa namna ya kipekee mambo yameshajulikana juu ya ajenda hii ya siri, Mungu hawezi kuruhusu jambo la namna hiyo kutokea katika ardhi ya Watanzania.
Alama za Azimio hilo la Abuja zimeshaanza kujitokeza kwa mbali katika nyanja mbalimbali nchini Tanzania na kwa hiyo, wale wanaoshabikia suala la Tanzania kujiunga na Umoja wa Nchi za Kiislamu (OIC) kwanza wajue malengo yake ni  yapi. Na  ni vema kujiuliza je, Katiba ya nchi yetu, historia ya nchi yetu, utamaduni wa nchi utaweza kuukaribisha umoja kama huo?
Misingi iliyowekwa na muasisi na Baba wa Taifa Mtumishi wa Mungu, Mwalimu Julius K Nyerere ilikuwa ya busara, upendo, usawa, inayokuza haki na amani kwa watu wote bila ubaguzi wa aina yoyote. Sasa fikiria kama ni kweli lengo kuu ndilo hilo je, Azimio la Abuja lina maslahi gani kwa Watanzania wa leo hii? Kama nilivyosema sifanyi propaganda bali ni kutaka kuelimisha umma wa Watanzania kama mwandishi hii ndiyo kazi yangu, kuwapa watu mwanga wajue wanakwenda wapi.
 Pia kama padre ni nabii wa kutahadharisha waumini na wananchi kwa ujumla juu ya mambo mbalimbali na kinyume cha hapo, wito  wangu hautakuwa na maana kabisa.
Yesu aliwaambia mitume wake; "Ninyi ni chumvi ya dunia na mwanga wa ulimwengu" (Mathayo 5: 13-16). Nisipotimiza wajibu huu kutoka kwa Bwana basi mimi nitakuwa sijitendei haki mbele ya mwenyezi Mungu na mbele ya Watanzania wenzangu ambao wengi hawajui nini kinaendelea kuhusiana na masuala ya jamii na siasa.
Namaliza kwa kusema kwamba, sisi Watanzania na Tanzania yetu ni vema tukaendelea kushikilia misingi iliyojengwa na Baba wa Taifa kama tunataka kuendelea kuishi kwa umoja, upendo, haki na amani.
Nitaendelea kuwaletea habari zaidi kuhusiana na Azimio la Ubuja katika makala zijazo. Mungu ibariki Tanzania, Mungu bariki mawazo ya Mwalimu Nyerere, Mungu wabariki viongozi wa Tanzania. Nawatakieni uchaguzi Mwema huko Arumeru Mashariki, chagua kiongozi bora na siyo bora kiongozi.

Slaa: Bila utafiti ni uvivu wa kufikiri

Wilbroad Slaa

Toleo la 217

14 Dec 2011

Ndugu Mhariri ni imani yangu kuwa utanipa nafasi nijibu baadhi ya hoja za Mayage zenye sura ya upotoshaji kwa manufaa ya wasomaji wako na Watanzania wenye nia ya kujua ukweli kwa ujumla. Ni imani yangu utachapisha majibu hayo kikamilifu ili upande wa pili wa shilling ufahamike kwa wasomaji wako na wananchi kwa ujumla..
Mimi ni msomaji wa Gazeti letu la Raia Mwema na magazeti na mitandao mbalimbali hivyo kufuatilia mijadala mbalimbali. Kila nilipoona dalili ya upotoshaji nimekuwa nikijaribu kuweka kumbukumbu sawa. Siku za karibuni nimekuwa nikifuatilia makala zilizokuwa zikitolewa na Mayage S. Mayage kwenye Raia Mwema.
Makala ya mwisho ilitoka katika Raia Mwema la Desemba 7 hadi 13, 2011, ukurasa wa 22. Baada ya kusoma makala yake ya kwanza nilimwandikia ujumbe mfupi wa sms. Kimsingi nikimshauri asipende kufanya mahitimisho kwenye mambo mazito na hasa yanayohusu jamii na taifa kwa ujumla bila kufanya utafiti.
Kabla hata toleo la gazeti lililofuata halijatoka nikaanza kupokea simu na sms kutoka kwa watu waliojiita wapenzi wa CHADEMA, wakilalamikia ujumbe wangu wa sms kwa Mayage.
Nilistuka sana na kujiuliza maswali yafuatayo; mosi, kama ni kweli waliokuwa wakiniandikia sms na kunipigia simu ni wapenzi wa CHADEMA walijuaje majibu yangu ya sms kwa Mayage, kabla gazeti linalofuata halijatoka? Je, walipewa na Mayage na kama ni hivyo, kwa lengo gani?
Pili, lugha iliyotumika kwa wote japo walijitambulisha kuwa sehemu mbalimbali za Tanzania ilifanana na hakuna hata mmoja aliyejielekeza kwenye hoja ya msingi kuwa, Mayage ametoa hitimisho bila kufanya utafiti.
Iweje wote wana lugha inayofanana walikaa wapi kujadiliana na kupanga ujumbe wa kunitumia? Iweje wote hakuna anayezungumzia hoja yangu ya msingi, bali msisitizo ni katika walichokiita “kumtukana Mayage? Hili nalo liliashiria upungufu mkubwa kwa kuwa hitimisho lisilotokana na utafiti wa kina daima lina upungufu mkubwa, hasa katika jambo zito kama mikakati ya chama.
Je, watu hao walitarajia mikakati ya chama ingeliwekwa hadharani? Ni jeshi la ajabu linaloweka mikakati yake hadharani? Ni  kwa  msingi huo, nilitarajia Mayage kama ni mtu makini na mwenye nia njema kama anavyoonekana kutaka kutushauri, angelifanya utafiti aghalab angegundua mikakati au hatua kadhaa zinazochukuliwa na CHADEMA kujiimarisha na kujikita katika ngazi mbalimbali kwa lengo la kuchukua dola 2015.
Je, Mayage anajua kuwa hakuna kanuni moja na inayofanana katika siasa kwa kuwa siasa “is a game of dynamics” yaani ni mchezo wa mbinu na mikakati.
Hata hivyo, hata hao waliosema kuwa nimemtukana au kumdhalilisha Mayage, hawakueleza ni tusi gani ametukanwa.
Kutokana na mazingira hayo, nimeona nitoe ufafanuzi ufuatao.
Si mara ya kwanza
Si mara ya kwanza tunajibishana na Mayage, baada ya makala au nyaraka zake. Kwa wale wanaokumbuka alikuwa akiandikia gazeti la Rai. Mayage aliwahi kuandika “Waraka wa wazi kwa Dakta Slaa” katika makala tatu mfululizo na zote zilikuwa za upotoshaji. Makala hizo zilikoma pale nilipomjibu kupitia gazeti hilo hilo.
Katika barua zake hizo niliamini tatizo lilikuwa kutokufanya utafiti, lakini baadaye niligundua kuwa licha ya kutofanya utafiti Mayage alikuwa “kuwadi” wa waliomtuma kwa malengo waliyokuwa wakijua wenyewe.
Jambo hilo alilikiri kwangu kwa sms Mayage mwenyewe, baada ya kuondoka Gazeti la Rai. Nami nikampongeza kwa unyofu na uwazi wake. Kama ni mkweli na mnyofu atatoka hadharani na kukiri mawasiliano kati yetu.
Kwa nini niliandika sms
Niliposoma makala ya Mayage katika Gazeti la Raia Mwema, kwa kutumia saikolojia tu ya kawaida nilijua alikokuwa akielekea ndiyo maana nikamtumia sms bila kutaka kumjibu kwenye gazeti ili ajirekebishe kabla hajafika mbali.
Kwa bahati mbaya, nia yangu njema kwa Mayage ikaanguka kwenye jiwe gumu, badala ya kuanguka kwenye udongo wenye rutuba. Hii haikuwa kwa bahati mbaya, kwani wakati anaanzisha safari ndefu ya makala zake alikuwa anajua alitaka kuhitimisha vipi.
Hii imeonekana dhahiri katika makala yake ya sasa “Ombwe….mbadala wa CCM ni chama kipya”. Mengine yote ni kisingizio tu. 
Hoja anazotoa kwetu
Hoja zake ni kwanza, CHADEMA ijikite zaidi katika “kufanya siasa badala ya uanaharakati wa maandamano”. Pili,  wabunge wa CHADEMA wanatakiwa kuja na programu za maendeleo kwa wananchi wa majimbo yao “ili yasije yakakikuta yaliyokikuta chama cha NCCR-Mageuzi..”
Tatu, katika makala yake ya wiki iliyopita yenye kichwa cha habari “Sababu tunayo, tuwang’oe 2015”, alitoa sababu mbalimbali na hatimaye alitoa “ushauri kwa wazalendo wenye uchungu wa kweli ….kuanzisha chama cha siasa makini sasa, si kusubiri kesho na Watanzania wakiunge mkono kwa nguvu zote…”
Majibu kwa hoja zake
Mimi sina tatizo na ushauri wa kuanzishwa kwa chama kipya kwa kuwa ni haki ya kikatiba ya Watanzania. Msingi wa kumtaka Mayage kufanya utafiti ni katika upotoshwaji dhahiri wa Mayage, ambaye kwa ufundi mkubwa amejenga hoja kinzani (fallacy) inayoonyesha kuwa CHADEMA si chama makini, hakifanyi siasa makini bali kinafanya tu uanaharakati.  Huu ndio msingi na kiini cha kumtaka bwana Mayage afanye utafiti kuhusiana na hoja zake.
Kama hoja za Mayage kutaka kianzishwe chama kipya inatokana na hoja za Richmond, ufisadi na sasa Jairo, na kama angelikuwa makini kidogo na kufanya utafiti kidogo tu angeligundua ni kiasi gani CHADEMA ni ‘chama makini’ hadi kujitosa MwembeYanga, Septemba 15, mwaka 2007 na kuibua hadharani (baada ya jitihada za kutumia Bunge kushindikana), hoja za ufisadi wa Benki Kuu, EPA kwa ujumla wake, Twin Tower ya Benki Kuu, Kagoda, Ufisadi kupitia Commodity Import Support (CIS) na nyingine nyingi.
Inatosha kufungua kumbukumbu rasmi za Bunge (hansard)  za mwaka 2007/2008/2009/2010. Msomaji na mfuatiliaji makini anaona wazi kupitia hansard jinsi Dk. Slaa ambaye pia ni Katibu Mkuu wa CHADEMA, alivyokuwa akipigwa “point of order” kutakiwa kufuta sehemu ya hotuba yake na Spika, bila shaka kwa lengo la kuuficha ukweli usijadiliwe bungeni.
Mayage atakumbuka jinsi Spika wa Bunge, Samuel Sitta alivyokimbilia TBC1 na kutangaza kuwa “Nyaraka alizokuwa nazo Dokta Slaa (kuhusu ufisadi) ni feki na kuwa anaziwakilisha polisi ashitakiwe”.
CHADEMA hatukutetereka
CHADEMA ilishikia bango bila kutetereka, pamoja na vitisho na matusi yote hoja hizi sasa zinajulikana, taifa zima leo linajua ufisadi mkubwa unaokumba nchi yetu katika nyanja mbalimbali.
Leo taifa nzima  linaimba na kupinga ufisadi. Hii iliwezekana tu, kwa kuwa baada ya jitihada za bungeni kushindikana CHADEMA, kwa kukodi helkopta ilipita kwenye makao ya mikoa 12 ya Tanzania Bara na kupeleka hoja hizo kwa wananchi, kama Mahakama Kuu kuliko zote kwa wanasiasa. Mzunguko huo ulihitimishwa MwembeYanga kwa kutaja hadharani majina ya mafisadi 11.
Mafisadi wengine wako kortini
Hakuna anayebisha, na hata Mayage atakubali kuwa wengine kati ya watuhumiwa  hao wa ufisadi leo wako mahakamani kwa kesi zinazohusiana na ufisadi huo.
Mayage anasema CHADEMA kinafanya kazi “ki uanaharakati” angelifanya utafiti kidogo tu angelijua matokeo ya uanaharakati huo kwa siasa za CHADEMA na kwa siasa za Tanzania baada ya MwembeYanga.
Kwenye sms niliyomtumia nilitumia neno kwa mtu yeyote anayefikia hitimisho (conclusion) bila utafiti ni ‘uvivu wa kufikiri’ na  bado nitasimamia hapo kwa kuwa kuacha hoja ya Mayage bila kupata majibu ya kina tutaruhusu  upotoshaji  unaozidi viwango vyote.
Aidha, Mayage ameshindwa kutoa tafsiri ya neno ‘siasa’ badala yake anaona kinachofanywa na CHADEMA ni ‘uanaharakati’ tu, na hivyo anawashawishi “Watanzania  kuanzisha chama cha siasa makini”.
Waanzishe chama makini siyo kwa kuwa chama hicho kipya kina ajenda mpya bali kwa vile tu CHADEMA si makini na kinafanya kazi “ki-uanaharakati”.
Mayage anashindwa kuchambua kwa kina uhusiano wa karibu sana kati ya uanaharakati na siasa. Anashindwa kuona kuwa uanaharakati inaweza kuwa mbinu mojawapo (wakati mwingine ya lazima) ya kufikia malengo ya kisiasa.
Hoja ya Mayage ingekuwa na mashiko angelikuwa amepitia mikoa yote 12 ambako CHADEMA ilifanya mikutano ya hadhara (uanaharakati) na kulishitaki Bunge kuhusiana na ufisadi wa Buzwagi, hoja ya Kabwe Zitto iliyolifanya Bunge kumfukuza Zitto, bungeni kwa miezi takriban mine, na kuwaeleza kinagaubaga Watanzania ni nini matokeo ya mikutano hiyo kwa Watanzania na matokeo yake (impact) kwa siasa za Tanzania leo. Bwana Mayage alipaswa kukumbuka msemo kuwa bila “utafiti hakuna haki ya kuzungumza”(No Research no right to speak).
KUTOKANA na kutokufanya utafiti, Mayage ameshindwa kutambua ni Watanzania wangapi wamejiunga kutokana na hicho anachokiita ‘uanaharakati’ wa CHADEMA, na au ni matawi mangapi yamefunguliwa kutokana na uanaharakati huo.
Ameshindwa kuona ni maeneo mangapi ambayo kabla ya mikutano au maandamano ya CHADEMA hayakuwa na matawi ya CHADEMA na leo si tu kuna wanachama, bali pia matawi yenye uongozi kamili.
Ni kweli CHADEMA imekuwa ikiongoza ‘maandamano’ nchi nzima kupinga ufisadi na aina mbalimbali za matumizi mabaya ya rasilimali za umma. Mayage angelifanya utafiti kidogo tu angeligundua kuwa CHADEMA imefanya kuanzia Januari, 2011 (bila kutaja ya nyuma) maandamano kwenye wilaya za makao makuu ya mikoa 16 ya Tanzania Bara (kupitia Operation Sangara na ziara za Katibu Mkuu) na kwenye makao makuu ya wilaya zote katika mikoa hiyo na takriban kata zote za majimbo yote katika mikoa hiyo ( isipokuwa michache ambayo hatukufika kutokana na sababu mbalimbali kama kuzuiwa na mvua).
Mayage angelifuata ushauri wangu wa kufanya utafiti kidogo katika mikoa hiyo na wilaya, majimbo na kata) angeliweza kugundua ni kwa kiasi gani CHADEMA ni makini katika mipango yake na kujikita vijijini kuliko anavyodhani kwa kutumia “nadharia ya kuandika makala mezani”. Wakati wa kuandika nyaraka mezani umepitwa na wakati wenzako tuko mbali zaidi japo hatuvumi.
Ushauri wa hisia ni kama kelele za debe tupu
Mayage angelifanya utafiti mdogo tu hata ‘sample’ yaani maeneo machache tu yaliyochaguliwa kwa umakini, ambayo inakubalika kisayansi makala yake na ushauri wake ungelikuwa na umuhimu mkubwa na CHADEMA tusingesita kuuzingatia.
Ushauri usio na takwimu zozote, unaotokana na hisia binafsi, utaalamu wa mtu kukaa tu mezani na kutoa hukumu bila kusikiliza kesi ni sawa na debe tu linalolia kwa sauti kubwa lakini “halina kitu ndani”.
Hivyo kwa wale waliodhani nimekataa ushauri wa Mayage, naomba wawe na utulivu niliukataa kwa kufahamu malengo yake binafsi, malengo ya makala yake. Kabila letu la Wairaqw tuna msemo “kuro tsihay a gawti stahha” (tafsiri ambayo kwa Kiswahili “Mwewe mwenye mimba humtambua angali angani)”.
Mimi ni Katibu Mkuu makini
Nilijua mapema Mayage angelihitimisha kama ambavyo anahitimisha katika Raia Mwema la Desemba 7 hadi 13, 2011; yaani “Watanzania waanzishe chama kingine makini” (tafsiri ya  anachomaanisha Mayage ni kuwa CHADEMA si makini na ni cha ki-uanaharakati tu).
Ningeacha kuonya katika hatua hiyo nisingelikuwa Katibu Mkuu makini, ambaye wajibu wake daima ni kulinda maslahi ya chama chake, wanachama, wapenzi wa chama na wananchi kwa ujumla.
Nilitimiza tu wajibu wangu kwa kumtaka afanye utafiti kabla hajazungumzia mambo yanayohusu maslahi ya wengi. Wako wenye uwezo wa kuchambua kwa kina na wako wanaochukua mambo yalivyoandikwa. Tuepuke kuwapotosha angalau wale wasiofanya uchambuzi wa mambo.
Sitaki kuzungumzia madhara ya makala hizi kwa kuwa sijafanya utafiti, lakini ni dhahiri  kati ya hao anaosema Mayage wamempelekea sms, kama hawakuwa na malengo mengine kama nilivyoonyesha awali, basi hawakufanya uchambuzi wa kina, hawakujua pa kupata taarifa sahihi za chama.
Bila shaka wameamini hakuna mipango wala mikakati yoyote ya kujenga chama katika ngazi zote isipokuwa ni maandamano tu.  Mayage angelifanya utafiti angeliwaelimisha angalau kuhusu waraka wa Katibu Mkuu na moja wa mwaka 2011, waraka na mbili wa mwaka 2011. 
Waraka namba moja ambao uko katika hatua mbalimbali za utekelezaji kuanzia wilaya, majimbo, kata na matawi. Waraka huu ulitolewa takriban miezi mitano iliyopita kabla Mayage hajafikiria kuandika makala zake katika Raia Mwema kuhusu mada hii.
Angelifanya utafiti angeligundua kuwa Oparesheni Sangara zote huishia kwa kuzindua matawi na kusimika uongozi.
Utafiti ungelimwezesha Mayage kuwa na uwezo, uhalali na haki ya kushauri Watanzania wanaopenda kuanzisha chama kingine ambacho wao wanadhani kwa mtazamo wao ni makini.
Madhara ya kutofanya utafiti
Kukosekana kwa utafiti kunamnyima uwezo, uhalali na haki hiyo, kwa kuwa ni hatari sana kufanyia uamuzi wa kitaifa kwa misingi ya hisia tu ya mtu fulani bila kujali nafasi yake. Kuanzisha chama kipya ni haki yao.
Lakini haki hiyo isitumike kumdhalilisha mwingine kwa misingi isiyo sahihi. Dhamira hiyo ni tofauti kabisa na kutaka kianzishwe chama kingine makini kwa kuwa CHADEMA ni cha ki-uanaharakati na kwa tafsiri yake, si makini.
Chama hakiwi makini kwa kuwa tu mtu mmoja au kundi fulani wanadhani hivyo na au hawafahamu mipango na mikakati ya chama hicho. Fikra hizi ndizo zinazoitwa “fallacious” katika falsafa.
CHADEMA hatukatai ushauri
CHADEMA hatujakataa hata siku moja ushauri wa mtu yeyote. Tumekuwa na tutaendelea kupokea ushauri wa Watanzania wote bila kujali itikadi zao, dini zao, wanakotoka, umri wao, jinsia zao.
Tumekuwa tukipokea ushauri kutoka kwa mtu mmoja mmoja kwenye matawi na kwa viongozi ngazi zote. Huu ni utamaduni wa CHADEMA na Watanzania wengi wanajua hivyo. Ushauri ukitolewa utafanyiwa kazi kama inavyotakiwa.
Lakini upotoshwaji wa dhahiri pia unafanyiwa kazi, tena bila unafiki kwa kuwa ndani ya CHADEMA hatujazoea unafiki wala kudanganyana; “We shall call a spade a spade”, ndiyo maana Mayage alishauriwa afanye utafiti ili ushauri wake uwe na tija na maana kwetu na kwa Watanzania.
Tungeliweza kunyamaza bila kumjulisha, lakini angeendelea kupotosha bila kufahamu madhara ya upotoshwaji wake. Aidha hatua niliyochukua ya kumjulisha imeanzisha mjadala mpana zaidi na sasa nina fursa ya kutoa ufafanuzi wa kina jambo ambalo lisingelitokea ningelimnyamazia.
Ni kweli kila mtu ana uhuru wa kufikiri na kuandika anavyotaka ndani ya misingi ya sheria za nchi. Lakini kwa mwandishi kusema  “….nawaomba Watanzania tutoke nje ya ofisi au nyumba zetu kwenda kwa wananchi wenzetu tuwaulize vyama hivyo vinasimamia itikadi au sera gani…” hiki ndicho nilichomtaka Mayage atoke ofisini kwake kwanza aende kwa wananchi kabla yeye mwenyewe hajawaambia Watanzania wengine.
Yeye anawaandikia Watanzania ambao miezi takriban 11 tu iliyopita walionyesha mwelekeo wao kupitia kura (pamoja na hujuma zote zilizofanyika). Sasa nani atoke kwa wananchi, Mayage au wananchi ambao kimsingi siyo tu wanajua wanachotaka, bali wamekwisha kuonyesha kwa matendo.
Nina hakika Mayage angeenda na swali lake; “ni chama gani kimesimamia kwa ustadi hoja yake ya kuwakomboa Watanzania kutoka mikononi mwa madhila ya CCM..” angepata jibu la Watanzania na si kupotosha kama anavyoelekea kuwashawishi kuanzisha chama ambacho hawajakiona, hawajafanya kazi nacho na hawakijui.
Ni kwa nini Mayage atake Watanzania wawe watu wa kufanya majaribio kila wakati? Ni kwa sababu tu yeye kajibiwa vibaya kama anavyosema na Dk. Slaa au kuna sababu nyingine?
Kama ni kweli katukanwa na Dk. Slaa ni kwa vipi anaihusisha CHADEMA yote, kwani hafahamu kuwa leo CHADEMA si Mbowe, si Slaa wala viongozi bali ni taasisi ya Watanzania wenyewe.
Msingi wa mvutano umeya Arusha
Mayage anasema CHADEMA wanalumbana kuhusu umeya wa Arusha! Angekuwa makini angelitafuta misingi ya mgogoro. Amewauliza watu wa Arusha?
Kama hajafanya utafiti ana uhalali gani kuwasemea watu wa Arusha ambao wanajua wanalofanya kwa kuambatana na mbunge wao ambaye alidhalilishwa ubinadamu wake na ubunge wake katika uchaguzi wa meya Arusha.
Ni ulimbukeni kufikiri mtu anajua kwa kuandika tu kutoka mezani. Hiki ndicho walichofikiri madiwani watano wa CHADEMA waliotaka kutikisa kiberiti. Walishindwa kusoma alama za nyakati kama alivyo Mayage.
Mayage anaamini na ‘kusingizia’ CHADEMA inapigania kupata umeya, hajui kuwa CHADEMA inapigania misingi “principle” na si vinginevyo.
Tofauti ni kubwa sana baina ya mawili hayo.  CHADEMA imesimamia hoja yake yaani “taratibu za uchaguzi wa meya zimekiukwa.”
Uongozi wa CHADEMA haukuwa tayari kuona taratibu na sheria zinavunjwa na wanaotarajiwa kuzilinda, yaani Serikali. Hii haina maana ya kuwa CHADEMA inataka meya atoke CHADEMA kama anavyotaka ieleweke Mayage. La hasha.
Hili nalo ni tunda la kutojua misingi ya jambo na kudandia hoja kwa kuwa tu ana fursa ya kuandika makala mezani.

Mayage angelifanya utafiti angeligundua hoja ya Katiba mpya ilikuwa ndani ya Ilani ya CHADEMA. CCM imeibeba baada ya kushinda uchaguzi kama walishinda na siyo ‘kuiba kura’ (Katiba hairuhusu kuhoji matokeo hivyo hatuna pa kutolea ushahidi wetu). Sisi hatuna shida na hilo.
Tunasisitiza kama wamechukua hoja ambayo hawakuwa nayo waitekeleze vizuri kama ilivyobuniwa na walioibuni. CHADEMA ndiyo iliyoibuni, na kusema...“ndani ya siku 100 mchakato wa Katiba mpya utaanza” Hakuna chama kingine chochote kilichosema hivyo kwenye ilani yake.
Ni dhahiri Mayage haelewi, kuwa ‘Mchakato ukiwa mbovu, tunda lake yaani Katiba itakayopatikana itakuwa mbovu’. Wengine tuna uzoefu si wa kusoma tu magazetini bali kushiriki mchakato wa Tume ya Rais ya Jaji Kisanga. Ni hovyo. Ndiyo maana tangu siku ya kwanza nimepinga Tume ya Rais badala ya Tume ya Wananchi itakayoundwa na mkutano wa Katiba.
Mayage haelewi kuwa uchaguzi unaendeshwa kwa Katiba na kuwa haki haitapatikana kama Katiba itaendelea kubeba Chama cha Mapinduzi (CCM).
Ni ndoto kufikiria uchaguzi huru na haki 2015 kama Katiba Mpya haitapatikana. Matukio yote ya wananchi kupigwa mabomu, kuzuiliwa mikutano ya upinzani mara kwa mara, kubadilishwa kwa matokeo ya uchaguzi yote haya ni matokeo ya Katiba mbovu.
Mayage hajui kuwa migogoro mingi kwenye ardhi ni matokeo ya Katiba mbovu! Hajui kuwa robo tatu ya bajeti ya taifa leo inatumika kwenye uendeshaji wa Serikali badala ya mipango ya maendeleo kutokana na Katiba mbovu? Mayage siyo tu hajafanya utafiti, lakini pia si makini katika kujenga hoja zake. Anajipinga mwenyewe mara aseme chama gani kimesimamia hoja zake, mara aseme CHADEMA kinapoteza muda kujadili hoja zenye manufaa kwa Watanzania. Tumuamini kwa lipi katika hali hii?
Mayage sisi tuliisha kumaliza utafiti na udadisi kuhusu Katiba.  Huhitaji kwenda mbali, nenda Ghana na Kenya. Tunayo michakato iliyotumika kupata Katiba na tunazo pia nakala za Katiba zao.
Nani kapotea kati yako wewe ambaye huna hata mfano mmoja na CHADEMA inayofahamu tangu awali nini kinahitajika kupata Katiba mpya!
Tuache ulimbukeni tunapozungumzia maslahi ya taifa. Mayage anaenda mbali kiasi cha kufananisha CHADEMA na “bundi katika msafara wa ndege dhaifu”! Kama yeye alijisikia kutukanwa je, na CHADEMA ambaye si mtu mmoja inajisikiaje na upotoshwaji na matusi ya kiasi hiki?
Ukisoma kwa umakini, kwake Mayage CHADEMA ni “chama cha ovyo” ndiyo maana anawashawishi Watanzania kuanzisha chama mbadala wa CCM.
Mayage amelundika vyama vyote 17 vya upinzani katika kapu moja. Ni kweli kuwa hafahamu CHADEMA ni chama pekee cha upinzani kinachoongoza halmashauri zaidi ya saba? Hajui kuwa CHADEMA imeshindwa kwa idadi ndogo sana katika halmashauri nyingine nane?
Mayage ameshindwa kutambua kuwa CHADEMA ni chama kinachokua kimkakati na vigezo ni vingi chukua idadi ya madiwani ambayo katika uchaguzi wa 2010 imeongeza kwa asilimia zaidi ya 400, mafanikio ambayo hakuna hata chama chochote cha upinzani kimefikia?
Mayage hajui kuwa katika vyama 17 viko ambavyo tangu vianzishwe havijawahi kupata kiongozi hata serikali moja ya mitaa angalau mwenyekiti wa kitongoji, wakati CHADEMA ina maelfu ya viongozi hao?, Mayage ameamua kuzipuuza makusudi kwa malengo anayojua na pia kwa ‘uvivu wa kutokufanya utafiti’ angalau kupiga simu tu kwa wahusika. Madhara yake ni kuwaambia watanzania “..tulivyonavyo sasa (vyama vya siasa/NGO’s). Hivi haoni hata aibu kulinganisha chama kinachoongoza halmashauri zikiwemo Jiji la Mwanza na NGO ambayo malengo yao si kuchukua dola?
Haya siyo matusi tu kwa Watanzania bali kwake mwenyewe aliyejifanya mtaalamu akashindwa kufikisha ujumbe ambao pengine hata mtoto wa shule ya msingi angeliweza kuufikisha vizuri zaidi.
Wanachama,wapenzi na Watanzania wapenda mabadiliko ambao walikuwa hawajagundua dhamira ya Mayage kuanzia makala ya kwanza ni vema wakarudi kusoma makala zake za mwanzo na kuzichambua kwa kina ili kuepuka upotosha uliojificha kwa hoja za kuuma na kupuliza.
Dk. Slaa nisingeliweza kwa namna yoyote kufumbia macho upotoshwaji huu ambao nia na lengo lake ni dhahiri.
Mayage anaonyesha udhaifu mkubwa pale anaposema hajaridhishwa na CHADEMA kwa kushindwa kusimamia hoja moja tu “…ya posho ya vikao kwa wabunge”. Kwani CHADEMA ndiyo inayolipa posho hiyo?
Hajui mgogoro wa sasa wa posho kulipwa kinyemela na jinsi CHADEMA kama chama inavyopiga kelele, hajui jinsi CHADEMA ilivyodai fomu ya mahudhurio ukumbini bungeni itenganishwe na fomu ya posho, na uongozi wa Bunge umekataa kufanya hivyo?
Labda hajui msimamo wa CHADEMA kwa kuwa si mpenda kusoma wala hajui ilani ya CHADEMA kifungu cha 5.5.1 (2 na 6) ya Agosti  2010, kinasema nini.
Lakini sishangai kwa vile anaandika kwa hisia badala ya utafiti. Kama ambavyo hajui pia kuwa kamati kuu ya CHADEMA kila kikao kwa mujibu wa kanuni, inatakiwa kupokea utekelezaji wa programu ya kazi kutoka kwa wabunge na  halmashauri zinazoongozwa na CHADEMA na kila kamati tendaji ya kata inapokea taarifa ya utekelezaji kutoka kwa madiwani wake.
Inawezekana utekelezaji wa mipango katika maeneo yanayoongozwa na CHADEMA unasua sua na kwa maeneo mengine hauridhishi.
Lakini pia angetafiti kidogo angegundua halmashauri zenye uzoefu za CHADEMA zimepiga hatua kiasi cha kuanzisha chuo chake cha waalimu kupunguza kero ya upungufu wa waalimu, kuanzisha chuo cha madaktari (clinical officers) na manesi kupunguza kero ya upungufu wa wataalamu hao na sasa wako mbioni kuanzisha chuo cha kilimo.
Haya yanapatikana tu kwa wenye nia na dhamira ya dhati ya kutaka kujua bila kutoa hukumu mezani. 
RC Mwanza, ma-DC wametuhujumu
Angelifanya utafiti angeligundua jinsi mkuu wa mkoa wa Mwanza alivyoingilia na kuvuruga utekelezaji wa mipango ya Jiji la Mwanza iliyoko chini ya CHADEMA, na vivyo hivyo kwa wakuu wilaya katika halmashauri zingine.
Utafiti ungelimwonyesha kuwa demokrasia kwa wengi wa viongozi wa Serikali iko kwenye midomo zaidi (lip service) lakini yanayoendelea maeneo mengi nchini ni kinyume cha demokrasia. Haya hutayajua kama huna dhamira ya kutaka kuyajua na wala hufanyi utafiti. Ndiyo msingi mkubwa wa ushauri wangu kwa Mayage.
Ni dhahiri Mayage angelifanya utafiti angeligundua maandamano yalivyowaunganisha Watanzania kudai siyo tu haki zao mbalimbali, bali kupaza sauti yao dhidi ya makali ya maisha kama vile sukari, bei ya sembe, mafuta ya kupikia, mafuta ya taa pamoja na kuwakatalia watawala kodi yao isitumike kulipa madeni ya Dowans..
CCM wameiga hawakufanikiwa
Anachokiita Mayage uanaharakati, angelijikita kwenye utafiti angeligundua matokeo yake ni nini hadi CCM wenyewe waliokuwa wakikandia maandamano wakaamua kuyaiga walipojaribu kuandamana Mbeya japo hayakufanikiwa.
Ni dhahiri Mayage amejikita kwenye mbinu mgando akidhani namna pekee ya kufanya siasa ni kufungua matawi kwa mtindo wa CCM.
Kwa kuwa hajafanya utafiti anashindwa kugundua kuwa mbinu za CCM za kufungua matawi haziwezi kufuatwa na chama kingine chochote makini kwa kuwa CCM inatumia mfumo wa dola kufanya kazi zake-watendaji wa vijiji, kata, makatibu tarafa, wakuu wa mikoa, wilaya, kwa ujumla mfumo mzima wa Serikali.
Polisi wanaingilia mipango yetu
Angetafiti angeligundua hata matawi niliyofungua au kufanya yafunguliwe kutokana na ziara ya Katibu Mkuu Jimbo la Mbinga Magharibi (Mbamba Bay), bendera zote zimeshushwa kwa amri ya OCD.
Angelikuwa mtafiti angeligundua chama makini kama CHADEMA kinakumbana na matatizo na vikwazo gani. Angelitoa ushauri jinsi ya kupambana na changamoto hizo nisingelikuwa na sababu ya kumjibu Mayage na au ningemjibu kwa kumpongeza.
Ushauri wake ungetokana na utafiti nina hakika ungewasaidia sana kuwafungua macho Watanzania badala ya kuwapotosha.
Kauli ya Mayage kuwa ‘..Ndani ya siasa wako wanasiasa wazuri tu, lakini hao hawana sauti wala nafasi ya kukielekeza  chama hicho…wenye sauti na ushawishi ndani ya chama ni wanaharakati hali inayokifanya chama kiendeshwe kiharakati kwa asilimia 80..” inathibitisha siyo tu Mayage hajafanya utafiti, lakini pia hajui ‘ABC’ ya siasa na hivyo hastahili kuandikia hata mada za kisiasa.
Chama cha siasa hakiendeshwi kwa ‘influence’, au uanaharakati kama anavyodai Mayage bali na Katiba, kanuni na taratibu za ndani ya chama husika kama zipo.
Kwa faida ya wapenzi wa CHADEMA na Watanzania kwa ujumla CHADEMA inaendeshwa misingi ya Katiba yake, na toleo la mwisho ni la mwaka 2006. CHADEMA ni kati ya vyama vichache vyenye kanuni za uendeshaji, maadili ya viongozi na wanachama, kanuni za uendeshaji wa halmashauri zinazoongozwa na na  CHADEMA ikiwa ni pamoja na serikali za mitaa zilizoko chini ya CHADEMA na hatimaye kanuni za nidhamu ikiwa ni pamoja na kanuni za nidhamu za wabunge, madiwani, na wenyeviti wa serikali za mitaa (na wajumbe wao).
Uamuzi wa CHADEMA hufanywa kupitia Sekretariati ya Kamati Kuu ya chama, Kamati Kuu, Baraza Kuu na mkutano mkuu ambacho ndicho chombo kikuu na cha mwisho cha uamuzi.
Je, ni kuwadi wa maadui zetu?
Kwamba CHADEMA inaendeshwa na wenye ‘influence’ ni kielelezo cha kile nilichokisema kuwa kauli kama hizo zinatoka tu kwa watu wenye uvivu wa kufikiri na kufanya utafiti.
Vinginevyo Mayage ana ajenda yake ambayo hajaiweka hadharani na au ni kuwadi tu wa maadui wengi wa CHADEMA.
Kama nia yake ni njema kama anavyotaka kuonyesha na kuwa anatoa ushauri kwa nia njema, huwezi kumshauri mtu usiyemfahamu, na huwezi kumfahamu mtu kama angalau humtembelei, kumjulia hali, kuomba nyaraka zake na kadhalika.
Wakati ninawapokea waandishi wengi na wa vyombo takriban vyote ofisini kwangu Mayage hajakanyaga wala hajaomba taarifa yoyote iwe kwa simu iwe kwa mahojiano. Huu ni uthibitisho kuwa Mayage ana ajenda zake anazozijua.
Kwa taratibu hizi uanaharakati na “influence” inapata wapi nafasi? Au Mayage anataka kufanya kazi kwa mapenzi ya mtu mmoja mmoja mathalan hiyo asilimia 20 anayoisema?
Je, ni kweli kuwa hiyo influence imepenya kwenye ngazi zote kuanzia sekretariati, kamati kuu, baraza kuu hadi mkutano mkuu. Kama hivyo ndivyo si ndivyo pia jina letu linavyodhihirisha Chama cha Demokrasia na Maendeleo?
Au Mayage anataka tukiuke misingi ya demokrasia na asilimia 80 ya viongozi waongozwe na asilimia 20? Huo ni ulimbukeni katika siasa na itakuwa ni mfumo mpya unaobuniwa na Mayage katika chama chake kipya anachosema kitakuwa makini”.
Wapenzi na Watanzania kwa ujumla hakuna sababu ya kuwa na hofu na watu wa aina hii, na kwa taarifa yenu wako wengi wasiotutakia mema.
Naamini ufafanuzi huu wa kina utakuwa umewatoa wote hofu wale waliokuwa na shaka baada ya kusoma makala za Mayage.
Naomba nirudie tena katika hitimisho, sina tatizo na wale wote wenye nia ya kuanzisha chama kingine kipya akiwemo Mayage kama nilivyosema ni haki yao ya kikatiba.
Kwa wale ambao tumekwisha kuanza safari ya kuing’oa CCM kupitia ‘meli yetu’ ya CHADEMA, tuendelee na mikakati yetu na kila mmoja akitimiza wajibu wake, Novemba 2015 CCM itaingia kwenye kumbukumbu ya historia kama ilivyo UNIP (Zambia) na KANU (Kenya), tena vyote ni vyama vinavyojulikana kama vyama vya ukombozi.
Mwalimu aliwahi kusema “play your part, it can be done” kila kiongozi wa CHADEMA kwenye ngazi na nafasi yake atimize wajibu wake na apuuze propaganda za maadui zetu zikiwemo hizi za Mayage.

Tukatae ‘bantu education’

Rai ya Jenerali

Jenerali Ulimwengu

Toleo la 066

28 Jan 2009

NAAMINI kwamba nimetumia muda wa kuridhisha na nafasi ya kutosha kujadili umuhimu wa kuwekeza katika kuwajenga wananchi kiakili na kimwili, mkazo ukiwa katika uwekezaji unaowalenga watoto wa Taifa hili.
Bila shaka hivi ni vipengele vya mjadala vitakavyorejewa kila mara, washiriki tukiwa ni sote tunaoona haja ya kukusanya mawazo yetu na kuyachakata kwa pamoja ili tujenge mwafaka kuhusu mambo muhimu yanayotuhusu.
Tusipofanya mjadala wa dhati tutaendelea kulalamika bila ye yote kutoa maoni juu ya namna ambavyo tunaweza kujikomboa kutoka katika umasikini unaozidi kuwakandamiza watu wetu ambao wamerithishwa nchi tajiri lakini hali zao hazifanani kabisa na utajiri huo.
Tusipoingia katika mchakato wa kweli juu ya masuala yanayohusu kuondoa umasikini na tukajifunza kwamba haya mambo si ya kupapukia bali hupangwa, tutaendelea kufukuzana na wananchi tukiwadai michango ya shule ya kujenga shule zisizo na waalimu wala vitabu; watatuona kama maadui zao wakati sisi tukijidanganya kwamba tunawapelekea ‘maendeleo’.
Bado zinatufikia taarifa za watu wanaokimbia kaya zao ili wasikamatwe kwa kushindwa (au kutokutaka) kulipa michango ya kujenga ‘madarasa.’ Baadhi yao wanaweza wakawa ni watu ambao kwa kweli kabisa hawana uwezo wa kulipa ‘michango’ hiyo, lakini baadhi yao wanaweza kuwa wale ambao, hata kama wanao uwezo wa kutoa fedha, hawaoni faida yo yote inayopatikana na ‘elimu’ inayotolewa ndani ya majumba yasiyo na walimu wala vitabu.
Kinachowafanya watendaji wa maeneo ya vijijini wawasake wananchi kama wahalifu ni maelekezo wanayopewa kutoka kwa waajiri wao wa Dar es Salaam, ambao katika mantiki ambayo inazidi kupinda kila uchao, bado wanaamini kwamba elimu ni sawa na idadi ya vyumba vya tofali na bati.
Maelezo yote yaliyotolewa na wataalamu kuhusu maana halisi ya elimu yamepuuzwa, na shughuli ya kuwahangaisha wananchi inaendelea mtindo mmoja.
Nimemuuliza rafiki yangu mmoja ambaye alikuwa kijijini katika kipindi cha Noeli na Mwaka Mpya ni kwa nini basi msisitizo huu wa ujenzi wa majengo yasiyokuwa na maana haujajulikana kwa wakuu wa nchi; jibu lake ni kwamba wanajua lakini hawajui wafanye nini  kwa sababu walikwisha kuagiza ujenzi ufanyike, na kwa hiyo ujenzi ni lazima ufanyike, na wazee wa kijijini wanaziona hizo ‘shule’ kama vituo vya kuwachunga watoto wa kike wasipate mimba!
Ipo mizaha inayovumilika, lakini huu si aina mojawapo ya mizaha hiyo. Huku ni kucheza na maisha ya watu na ni hatari kwa mustakabali wa Taifa. Siamini kwamba watu wetu wataendelea kuwa wa kusema “E walla” siku zote wakati wanaona mambo yanayofanyika yanawaumiza na kuwafanya watoto wao wasiwe na tumaini angalau la kuweza kuyafanya maisha yao yawe bora kuliko ya wazazi wao.
Hebu tukumbushane tena ( na kwa wale wasio na hadhi ya kukumbuka, kwa sababu hawajawahi kulisikia hili, tuelimishane) katika mambo yote unayoweza kuyafanya kwa ajili ya watoto wako hakuna hata moja linaloweza kulinganishwa na elimu bora na afya njema. Mengine yote yanakuja baadaye.
Kilicho dhahiri ni kwamba watawala wetu ni wazazi pia, na tunaona jinsi wanavyohangaikia elimu na afya za watoto wao. Kwamba hawahangaikii elimu na afya za watoto wa jamii za kimasikini si kwa sababu hawajui umuhimu wake; ni ubinafsi. Nafasi walizo nazo zingeweza kuwapa fursa ya kutumikia wananchi wa matabaka yote, na kwa kufanya hivyo tukapunguza ukali wa mapambano ya kitabaka katika siku zijazo.
Haitusaidii kupoza ghadhabu za wanyonge wanaoona watoto wao wanapewa ‘elimu’ inayofanana na ile iliyoitwa ‘bantu education’ wakati wa utawala wa Makaburu Afrika Kusini, huku watoto wa wakubwa wanapewa kila aina ya fursa, nchini na ughaibuni. Siku moja watalikataa hili… mwenye masikio na asikie.
Aidha, haiwezekani kwamba katika mazingira ya mijadala inayoendelea nchini kuhusu ‘ufisadi’ kwamba wananchi hawatajaribu kuuunganisha huo ‘ufisadi’ na hali zao mbaya za maisha na mifumo inayoonekana kutaka kumlaani mtoto wa mtu wa chini ili asiweze hata siku moja kusimama kwa miguu yake mwenyewe.
Mzee mmoja kutoka Kanda ya Ziwa ameniambia jambo ambalo siwezi kulisahau: Mtoto anapelekwa shule akiwa na miaka saba; anakaa huko kwa kipindi cha miaka 7; ‘anamaliza shule akiwa na miaka 14; shule hakuweza kujifunza hata huo ujuzi wa kusoma na kuandika, na nyumbani hakuwapo kujifunza namna ya kutunza ng’ombe na kulima pamba; kwa hiyo huku hayuko na kule hayuko.
Sasa mzee kama huyu unampa jibu gani anapokuambia kwamba yeye anatoa ‘kitu kidogo’ ili afisa elimu na wale watendaji wanaokuja kuswaga watoto kuwapeleka ‘shule’ wairuke kaya yake kama isiyokuwa na mtoto wa umri wa kwenda shule. Kwa kufanya hivyo angalau mtoto atabaki nyumbani ajifunze kuchunga ng’ombe!
Yote haya yana maana kwamba hatuna budi kujiwekea utaratibu wa kujadiliana kwa pamoja kuhusu hatua zote za maendeleo tunazokusudia kuzichukua. Tabia ya watawala wa nchi hii, na wa Afrika kwa ujumla, ya kufanya mambo wanavyotaka wenyewe imekuwa ni kikwazo kikubwa mno katika maendeleo ya nchi hii na bara hili kwa ujumla.
Maendeleo huletwa na watu wenyewe; hayawezi kuletwa kutoka juu, hata kama watawala wangekuwa na nia njema na dhamira yao ni kuwatumikia watu wao kwa dhati. Wananchi ndio wanaoumizwa na umasikini uliokithiri, na ye yote anayetaka kuwatumikia hana budi kuwasikiliza na kuyatia matakwa yao maanani.
Aidha, wananchi si vipofu; wana macho na wanaona kwamba hao hao watawala wao wanaowajengea ‘shule’ zisizokuwa na walimu na zahanati zisizokuwa na wauguzi wanao utaratibu mbadala wa kuwasomesha watoto wao na kuwapatia matibabu wanapougua.
Si muda mrefu uliopita mtawala mmoja katika mojawapo ya mikoa alikuwa kitetea ujenzi wa ‘shule’ hizo na kuwahimiza wananchi wapeleke watoto wao. Wananchi walikuwa wanamjua mkubwa huyo na walijua watoto wake wanasoma shule ya kweli, yenye walimu na vitabu na kila aina ya vifaa vya kufundishia, ikiwa ni pamoja na kompyuta.
Walipomuuliza ni kwa nini yeye hakupeleka watoto wake katika shule hizo, akawa mkali kweli kweli na mjadala ukaishia hapo.
Napenda kufunga sehemu hii ya makala hizi kwa kusisitiza kwamba iwapo tunataka kujenga mustakabali unaoeleweka kwa ajili ya Taifa letu hatuna budi kujenga utaratibu unaoeleweka wa kutoa huduma muhimu za msingi kwa watu wote wa nchi hii, na huduma hizo ni elimu na afya.
Tujenge shule za kweli kwa kufundisha walimu na kuwapa nyenzo za kufundishia. Tujenge zahanati za kweli kwa kufundisha wauguzi wa kutosha wa ngazi ya msingi watakaosambaa katika vijiji vyetu ambako ndiko wanakoishi watu wetu walio wengi na ndiko waliko wazalishaji wa chakula kinachotuweka hai.
Bila shaka watakuwapo Watanzania wachache watakaotaka kuwapa watoto wao elimu tofauti (nchini au ughaibuni), au watakaotaka kuwapeleka Afrika Kusini kila wanapopata mafua, wafanye hivyo kwa utashi wao wa anasa, lakini nchi iridhike kwamba watoto walio wengi wanapata elimu ya daraja la kwanza na matibabu maridhawa bila kulazimika kuuza nyumba zao au ng’ombe wao.
Siku tutakapofikia hatua hiyo, bila shaka tutakuwa tumeachana na malumbano yasiyoisha hivi sasa baina ya Serikali na wanafunzi wa vyuo vikuu kuhusu ‘uchangiaji’ wa gharama za elimu, mivutano ambayo mimi naiona kama isiyokuwa na maana kwa sababu uwezo wa kuwasomesha vijana hawa tunao. Tunachotakiwa kufanya ni kuutambua ulipo na kuupeleka hadi kwenye tatizo.
Niliandika mapema kwamba mara nyingi tumeambiwa kwamba tunapenda kukosoa matendo ya watawala bila kutoa mapendekezo ya njia mbadala. Nimejaribu kutoa mapendekezo yangu, na bila shaka wako wengine wengi wenye mapendekezo kama yangu, na yaliyo tofauti. Basi tuyajadili. 

Sheria ya utoaji mimba: NGOs nchini zasuguana

Mary Victoria

Toleo la 238

9 May 2012

BAADA ya mapendekezo ya kuhalalisha ndoa za jinsia moja nchini kwa lengo la kutetea haki za binadamu kukwama kinyume cha baadhi ya mataifa ya Ulaya, mapendekezo mpya kuhusu sheria itakayoruhusu utoaji mimba yamepata watetezi nchini, Raia Mwema, limeelezwa.
Watetezi hao ni baadhi ya asasi maarufu za kiraia nchini kwa upande mmoja ambazo kwa sasa zimeingia katika mzozo na asasi nyingine zinazopinga mapendekezo hayo.
Kwa mujibu wa uchunguzi wa gazeti hili, mapendekezo hayo kuelekea sheria hiyo kwa sasa yapo kwenye hatua ya maandalizi ya rasimu ya muswada wa sheria hiyo na miongoni mwa asasi zinazotetea mapendekezo hayo ni Care International.
Inadaiwa kuwa Care International inaungwa mkono na baadhi ya asasi za kiraia zikiwamo za kitaaluma na baadhi ya zilizoko kwenye harakati za masuala ya jinsia nchini.
Mvutano mkali unatajwa kuibuka miongoni mwa wanaharakati katika baadhi ya asasi zinazounga mkono mapendekezo hayo kupinga muswada huo uliopewa jina la Muswada wa Uzazi Salama 2012 (The bill on safe motherhood 2012).
Mapendekezo hayo ya asasi hizo za kiraia yanatarajiwa kuwasilishwa kwa ama Kamati ya Bunge ya Huduma za Jamii au Kamati ya Bunge ya Maendeleo ya Jamii, baadaye mwezi huu kwa ajili ya kujadiliwa na hatimaye kuwasilishwa bungeni.
Mbali na kudaiwa kukiuka maadili nchini, mapendekezo katika muswada huo, hususan suala la utoaji mimba yanatajwa kukiuka matakwa ya Katiba ya Jamhuri ya Muuungano wa Tanzania.
Katiba inatajwa kukiukwa katika ibara ya 14 inayozungumzia juu ya haki ya kuishi, pamoja na sheria ya kanuni za adhabu vifungu vya 150, 151 na 152 ambavyo vinamtia hatiani mtu anayefanya jaribio, kusaidia na kutumia vifaa kwa ajili ya kutoa mimba na kifungu cha 219, kinachozuia utoaji mimba isipokuwa katika mazingira magumu.
Kauli za viongozi wa asasi za kiraia
Akizungumza na gazeti hili mmoja wa maofisa wa Shirika la kutetea Uhai (Pro-life International) ambaye hakutaka jina lake kuandikwa gazetini alisema kwa namna fulani muswada huu unakiuka Katiba ya Jamhuri ya Muungano wa Tanzania, ingawa kwa “juu juu” unapambwa na lugha nzuri kama; “kurekebisha kasoro zinazotokana na sheria za sasa ambazo ni pamoja na sheria ya ndoa ya mwaka 1971, sheria ya mtoto ya mwaka 2009, sheria ya afya ya jamii ya 2009 pamoja na sheria ya wafungwa 1967.”
Hata hivyo, akichambua kasoro ndani ya mapendekezo yaliyomo kwenye muswada huo ofisa huyo anasema; “Msukumo wa muswada huu si kuhusu kuwasaidia wanawake wajawazito kupata huduma zinazostahili, bali ni kusukuma masuala ya kudhibiti kizazi, matumizi ya vidhibiti mimba, utoaji mimba sambamba na sheria kali za kimabavu. Lengo ni kuhakikisha idadi ya Watanzania inapungua.”
Anaendelea kusema; “Uzito umewekwa pia katika kuharibu afya ya wasichana kwa njia ya vidhibiti mimba ili wapoteze uwezo wao wa kizazi kwa kadiri wanavyoendelea kutumia, vile vile muswada unalenga kuwaondolea wazazi mamlaka katika malezi na makuzi ya watoto wao.”
Akizungumzia namna masuala ya uandikaji rasimu hii yanavyofanyika kwa usiri mkubwa, ofisa huyo alisema “Jambo kubwa zaidi ni usiri mkubwa uliofichika katika muswada huu na nia ya mashirika ya kimataita kutoka Ulaya na Marekani kuhalalisha utoaji mimba.”
Kwa mujibu wa ofisa huyo ambaye ni Mtanzania, mpango wa Umoja wa Mataifa ni kuhakikisha kila nchi duniani inapitisha sheria ya utoaji mimba ifikapo 2015.
Baadhi ya wanaharakati wanaopinga mapendekezo katika muswada huo wameeleza kuwa endapo muswada huo utaridhiwa kuwa sheria, misingi ya maadili ya kiutamaduni nchini kuhusu malezi ya watoto itakuwa inakiukwa.
Katika hatua nyingine, mratibu wa ukusanyaji maoni wa Care International, David Lyamuya alikiri kuwepo kwa tofauti ya kimtazamo miongoni mwa asasi za kiraia.
“Kumekuwa na upotoshaji unaofanywa na baadhi ya asasi za kiraia kuhusu rasimu hii ya muswada,” alisema David.
NOTE THAT:
 NGO ni wale waliopata elimu kisha wakakosa sifa za kuwafanya wapate kazi sehemu nyingine yoyote hapa duniani, na ndio hao wanaopewa misaada kutoka nchi mbalimbali za kibepari kwa masharti ya kutekeleza na eti kuharakatia mambo kwa faida ya waliowatuma! hata kama ni mambo yanayo au yatakayo pelekea kuharibika kwa maadili ktk nchi zao au jamii zao!! as long as wananufaika na misaada wanayopewa wako radhi hata kukaa uchi hadharani ili mradi waonekane wamedhamiria kutetea wanachokiamini (kwani walishaapa kukitetea baada ya kuahidiwa misaada kuendesha NGO zao).
Swali!! Wanaotetea upuuzi wa kutoa mimba na same sex marriage  wana akili timamu? na ni madhehebu gani hawa? je kwenye familia zao baba zao na mama  zao wangetoa mimba au baba zao wangeoa wanaume wenzao kabla wao hawajazaliwa wangekuwepo leo?
Hawa ni mashetani tunaoishi nao na kula nao majumbani mwetu! tamaa ya fedha na misaada kwa kivuli cha NGO kinawafanya binadamu wamkosee mungu!!
Tanzania hatuna umaskini kiasi cha kuendelea kuwa ombaomba!! kama ni umaskini basi ni wetu na tutakufa nao. Hatuwezi kuuza utu wetu na heshima yetu eti kwa sababu Marekani au Uingereza wamesema bila ya hivyo watatunyima misaada!! wakae nayo misaada yao, hatuhitaji misaada yao ya kishetani, tuna utajiri kiasi gani mwenyezi mungu ametubarikia tuendelee kumpigia magoti shetani na NGO zake??? Uzembe wa kufikiri wa viongozi wetu unafanya nchi zetu za kiafrika ziendelee kuwa ombaomba, na si raia ambao ni ombaomba bali viongozi wenye tamaa wasiotumia akili kusimamia nchi!!
Walaaniwe wote wanaojadili, kuongelea na hata kujaribu kuleta mjadala juu ya huu ushetani wa kimagharibi unaokiuka amri za mwenyezi mungu!!
Hell is waiting for them.....

SHERIA 10 ZA J.ULIMWENGU KUHUSU ELIMU

Rai ya Jenerali

Jenerali Ulimwengu

Toleo la 058

3 Dec 2008

KATIKA makala zangu za nyuma nimekwisha kubainisha baadhi ya mambo ninayoamini kwamba ni muhimu katika kujenga elimu itakayoikomboa nchi yetu na watu wake kutoka kwenye umasikini kuelekea kwenye maendeleo.
Nimeonyesha jinsi ambavyo mipangilio yetu ni mibovu katika maeneo kadhaa, na nimetoa rai kwamba elimu tunayotoa kwa watoto wetu haiwezi kuwakomboa wala kuliendeleza Taifa letu.
Ukweli ni kwamba elimu yetu ni kivuli hafifu cha elimu ya kikoloni; imekosa ‘ubora’ uliokuwa ndani ya elimu ya kikoloni ya wakati ule na pia imekosa maudhui ya kiukombozi kwa sababu haionekani kuwa na malengo thabiti yanayoangalia mustakabali wa nchi yetu. Katikati ya vigoda viwili, elimu yetu imedondoka sakafuni.
Kwa bahati mbaya, tumezoea kuona mambo yanakwenda mrama katika nyanja mbali mbali na kudhania kwamba yatajirekebisha yenyewe bila juhudi zetu. Sana sana tutayagusa kidogo na kuyatomasatomasa lakini mwisho wa siku tunayaacha yalivyo tukitaraji kwamba yatachoka yaondoke.
Tumekataa kukubali kwamba mfumo mzima wa elimu yetu umevurugika, na badala ya kukubali kwamba turudi katika chumba cha usanifu na kuuchora mfumo huo upya, tunahangaika kujenga vyumba vingi zaidi vya kueneza ujinga kwa gharama kubwa.
Kinachohitajika katika mfumo wa elimu yetu si jambo jingine bali ni Mapinduzi ya Elimu ambayo itaandamana na Elimu ya Mapinduzi itakayozagaa katika sekta nyingine zote muhimu. Hii ni kwa sababu, tutake tusitake, sekta kadhaa muhimu nazo zina taswira ile ile tunayoiona katika elimu.
Ndiyo maana, kama sehemu ya majumuisho, napendekeza mambo kadhaa ambayo naamini hatuna budi kuyazingatia iwapo tunataka kuleta mapinduzi ya kweli na kuifanya elimu yetu iwatumikie watu wetu.
MOJA: Tuwatendee haki walio wengi, ambao tunajua kwamba hawataingia katika vyuo vya elimu ya juu. Nimekwisha kuonyesha jinsi ambavyo ni kijisehemu kidogo sana cha watoto wanaoingia shule ya msingi watakaoweza kuendelea hadi chuo kikuu, ni uonevu na kwa kweli na aina fulani ya wizi, kuwekeza katika elimu ya akademiki itakayowasaidia hao wachache na kuwaacha walio wengi hawajui kinachoendelea.
PILI: Kutokana na MOJA hapo juu, tujenge mfumo wa elimu na mitaala itakayowafanya watoto wa nchi hii wawe na manufaa kwa jamii zao kwa kuwafundisha njia bora za kuinua na kuendeleza uchumi wa familia zao. Watoto wa wakulima wafundishwe kilimo bora; watoto wa wafugaji wajifunze ufugaji bora, na kadhalika.
TATU: Tuache kujidanganya kwamba tunaweza kuwafundisha watoto wetu na wakaweza kuleta mapinduzi ya sayansi na teknolojia kwa kutumia lugha wasiyoielewa na isiyoeleweka hata kwa waalimu wao.
Watoto wafundishwe Kiingereza kama lugha, pamoja na lugha nyingine za kigeni, na lugha hizo zifundishwe kwa ufasaha mkubwa, lakini tusidhani kwamba hata siku moja tunaweza kumiliki sayansi na teknolojia kwa kutumia lugha isiyozungumzwa na wananchi walio wengi. Hili halijatokea kokote duniani, na sielewi ni kwa nini tunaamini kwamba litaanzia kwetu.
Tuangalie pia ni kwa jinsi gani katika maeneo fulani fulani tunaweza kuzitumia lugha zetu za asili katika elimu ya awali ili kuwapunguzia mikanganyiko inayowapata wanapoanzia na lugha wasiyoizungumza nyumbani.
NNE: Shule ni sehemu mojawapo muhimu katika kujenga ujamii (‘socialisation’). Ni mahali ambapo watoto hupikwa na kukuzwa katika maadili ya utaifa, umoja, upendo na kadhalika.
Mifumo ya elimu inayotofautiana katika nchi moja inabeba hatari ya kuzalisha makundi yanayosigana sana katika mitazamo yao ; ipo hatari ya kweli ya kuwa na makundi ya wateule waliopata elimu ‘bora’ na wanaozungumza lugha ya kigeni na Kiswahili chao ni cha wasiwasi, na makundi ya watoto wenye elimu ya hovyo na wasioweza kuzungumza Kiingereza wala Kiswahili, wala lugha za mama zao.
TANO : Kutokana na NNE hapo juu, tuwekeze kwa dhati, kwa kutenga rasilimali za kutosha na kuwekeza katika tafakuri ya pamoja, katika shule za umma, kuzifanya ziwe na ubora wa hali ya juu kiasi kwamba isiwepo haja ya wazazi kutaka kuwapeleka watoto wao katika shule binafsi. Hivi ndivyo ilivyokuwa huko nyuma wakati kila mzazi alipenda mtoto wake aende shule ya serikali, kusoma katika shule binafsi ilikuwa ni ishara ya udhaifu.
SITA : Shule ifundishe sayansi, hisabati  na lugha. Lakini pia ifundishe maadili mema ili kujenga raia wema. Sayansi, teknolojia, hisabati na lugha ni nyenzo muhimu katika makuzi ya kijana, lakini iwapo nyenzo hizo hazitaambatana na mafunzo na malezi yanayolenga uungwana ipo hatari kwamba hao vijana wanaopata elimu hiyo watazitumia nyenzo hizo katika uhalifu.
SABA: Watoto wafundishwe na watiwe shime ya kufanya tafakuri ya kiudodosi (‘critical thinking’). Elimu ya kimapokeo tuliyopewa sisi wa rika langu ilijali sana ukusanyaji wa maarifa ya kila aina na kuyahifadhi kichwani ili ‘kuyatapika’ pindi unapokuja mtihani. Hivyo, tulimezeshwa tani na tani za taarifa, na bila shaka hii ilidhoofisha uwezo wetu wa uchambuzi kwa kiwango fulani.
Leo hii hali imebadilika mno kwa maana kwamba taarifa zinaweza kupatikana kwa urahisi wakati wo wote zinapohitajika, kutokana na ukuaji wa kasi kubwa wa teknolojia. Tovuti inamwezesha ye yote anayetaka kupata taarifa kutoka kila pembe ya dunia, alimradi mtu ajue anataka taarifa gani na jinsi ya kuzipata.
Jambo muhimu sasa ni kujua ni taarifa gani tunahitaji, namna ya kuzipata na jinsi ya kuzichakata ili ziwe za manufaa kwa mtumiaji. Katika hili ‘critical thinking’ ni muhimu sana kwa sababu ndiyo nyenzo kuu ya uchambuzi, na bila uchambuzi hakuna maendeleo.
Aidha, vijana wa Tanzania wafundishwe kujiamini, kutafakari na kusema kwa sauti kile wanachokiamini. Jamiii yetu imejaa watu wenye uwezo mkubwa lakini ambao wamezoezwa kutosema wanachokiamini, na matokeo yake ni kwamba wale wanaothubutu wanalazimisha kupitisha maoni yao hata kama mawazo yao hayana maana.
Ubishi si lazima kiwe kitu kibaya, kama unatumika kwa manufaa ya jamii, hususan pale jamii inapokuwa imezama katika imani za kijinga. Socrates alikuwa mbishi na Galileo pia. Wa kwanza aliuawa, wa pili akalazimishwa kukana utafiti wake. Leo tunatambua mchango uliotokana na ‘ubishi’ wao.
NANE: Pamoja na maadili, watoto pia wafundishwe kupenda vitu vizuri, ikiwa ni pamoja na umaridadi, michezo, sanaa, ikiwa ni pamoja na muziki na ushairi kama sehemu ya ujenzi wa jamii ya watu wanaopenda mazingira na wanaoishi maisha ya siha na furaha. Elimu inayomfunza mtoto hisabati lakini haimfundishi namna ya kuvaa vizuri, kula kwa staha na kuongea kwa ufasaha katika lugha inayoheshimu hadhira inaunda roboti, si binadamu.
TISA: Suala la ubora wa waalimu liwe nambari moja kwa sababu bila waalimu bora yote mengine tunayoyafanya, kama vile ujenzi wa majumba na kadhalika, ni upuuzi. Waalimu watokane na wahitimu wenye ubora wa juu kuliko wengine; watambulike kwa uwezo wao mkubwa katika msomo yao; waandaliwe vyema na walipwe mishahara mizuri na wapewe marupurupu wanayostahili.
Turudishe heshima na hadhi aliyokuwa nayo mwalimu siku za nyuma, kwa kutambua kwamba ubora wa nchi yo yote utalingana na ubora wa mwalimu wa mwisho wa nchi husika.
KUMI: Tuuchunguze upya muda wa mafunzo ya awali. Binafsi naamini kwamba miaka saba haitoshi kumwandaa kijana kuwa wa manufaa kwake mwenyewe au jamii yake. Anapomaliza shule baada ya shule ya msingi anakuwa bado ni mdogo sana na, kwa mitaala ya sasa, hana ujuzi wo wote wa maana wa kumsaidia kujikimu.
Miaka tisa au 10 itampa kijana muda wa kuweza kujifunza stadi za kazi, ambazo anaweza kuzinoa anapoingia katika chuo cha VETA, au hata asipokwenda VETA zikamwezesha kufanya kazi moja kwa moja.
Hizo ndizo ‘sheria’ zangu 10, ambazo naamini zinaweza kuongezwa hadi kufikia 100. Hebu tuzijadili.

MADHARA YA MATUMIZI YA VIZUIA MIMBA

...Leo Naomba Tuwe wawazi kwa hili.Wale waliowahi kutumia njia mbali mbali za uzazi wa Mpango..kama vile 1.Vidonge vya Majira
2.Njia vijiti.
3.Sindano,
Na wameshapata madhara mpaka ikawapelekea kulazwa,kuumwa sana na matatizo lukuki.Waweke ushahidi wao humu,kutufahamisha madhara hayo.

Nilikuwa nasikiliza Radio frequency 102.00,wadada wameshuhudia matatizo waliyoyapata,ambayo imewapelekea kutaka kuanzisha shirika litwalo HATUTA NYAMAZA,Litakuwa na Wahanga wa njia hizo na watapaza sauti zao kupinga matumizi ya njia hizo.Wao binafsi wamepata madhara makubwa.
Inasemekana hata kansa ya titi,kansa ya mlango wa kizazi,husababishwa na Matumizi ya vidonge kwa Muda mrefu...
Taifa linaitaji kujikomboa
1.kifikra
2.kiuchumi
3.kiafya.

Taasisi za serikali na zisizo za serikali wanatumia hela nyingi kuhamasisha matumizi ya njia hizo kwa kutaja faida bila Madhara.

hii thread walengwa wakubwa ni Wanawake walio kwenye ndoa,Wanaume wanaoshuhudia wake zao haya yakiwapata.Kila aliepata athari atatushuhudia ili tujue na tuelewe.

Kinadharia, athari ya vidonge vya majira zinaweza kuangukia katika makundi mawili:

1) Kabla ya kujipandikiza, itakuwa na athari za kupunguza uwezo wa kusafirisha mimba katika mirija ya uzazi (fallopian tube) na hivyo huzuia mimba kujipandikiza katika mji wa mimba na hali hii inaweza kusababisha kutotambulika kwa mimba hiyo ikiharibika au mimba hiyo kujipandikiza nje ya mirija hiyo.

2) Kuharibika kwa ngozi nyororo ya tumbo la uzazi kwa namna kwamba mimba hiyo baada ya kufikia mji wa mimba, inashindwa kujipandikiza katika ngozi nyororo.

3) Kutoa mimba kunakosababishwa na mimba hiyo kushindwa kukaa katika mji wa mimba;
mimba inajipandikiza lakini baadaye ina kufa kutokana na mji huo kushindwa kuhifadhi mimba hiyo.

1. Mabadiliko ya ngozi nyororo Vidonge (Oral Contraceptives), huathiri moja
kwa moja ngozi nyororo kwa kuifanya ngozi hiyo isiweze kupokea na kutunza mimba iliyotungwa. Hali hiyo hutokea kwa sababu vidonge hivyo huharibu ngozi nyororo ambayo hufanya kazi kama kitanda cha mtoto.

Ngozi hiyo inakuwa nyembamba iliyotanuliwa, iliyochoshwa na nyamanyama zake kubaduliwa kwa kuharibu chembechembe za ngozi nyororo na kwa kuharibu chakula cha mtoto kitengenezwacho katika ngozi hiyo.

2. Mabadiliko ya Chachu ziitwazo ‘Integrin’ Chachu za ‘intergrin’ ni muunganiko wa molekule ambazo hutengeneza mazingira ya upokeaji wa mimba katika ngozi nyororo ya tumbo la uzazi. Chachu hizi zikiharibiwa, mazingira ya upokeaji wa mimba huharibiwa pia yaani, kuifanya mimba isiweze kusafiri kutoka kwenye mirija ya uzazi kwenda kwenye mji wa mimba.

3 Kuongezeka kwa mimba nje ya mji wa mimba Utafiti umeonesha kuwa wanawake wanaotumia vidonge (OC’s) wamo katika hatari kubwa ya kupata mimba nje ya tumbo la uzazi ukilinganisha na wanawake wasiotumia.

Utafiti uliofanywa katika nchi 17 zenye jumla ya vituo 33 na uliowahusu watu 2800 umethibitisha kuwa matumizi
ya vidonge, yanaongeza uwezekano wa kupata mimba nje ya tumbo la uzazi. Mimba hizi za nje ya tumbo la uzazi (ectopic pregnancy) huhatarisha sana uhai wa mama. Watumiao vidonge vya progestin (POP’s) Vilevile wamo katika hatari kubwa ya kupata mimba nje ya tumbo la uzazi. SOURCE JAMIIFORUM MEMBER

NJIA KUMI ZA KIBIBLIA ZA KUMPATA MWENZI WA MAISHA.

Na: Patrick Samson Sanga.

Mpenzi msomaji hizi ni dondoo tu zilizomo ndani ya kitabu hiki ndani ya kitabu cha kwanza, nimeona ni vema walau kwa sehemu nikueleze yaliyomo ndani.
Mithali 19:14 “Nyumba na mali ni urithi apatao mtu kutoka kwa babaye bali mke mwenye busara mtu hupewa na Bwana’.Nianze kwa kusema kuoa au kuolewa ni mpango kamili wa Mungu. Zipo sababu nyingi za kwa nini unahitaji mke au mume Moja unakuwa umejipatia kibali kwa Bwana, mbili ni kwa sababu zinaa (1 Wakorintho 7:20) na tatu unapopata mke unakuwa umepata msaidizi na mlinzi.

Kibiblia mke /mme mwenye busara mtu hupata kutoka kwa Bwana, maana yake Mungu ndiye anayehusika na kumpa mtu mke/mme. Mungu pekee ndiye anayejua nani ana busara ya kukaa na fulani halafu ndiyo anayekupa huyo mtu. Suala la kumpata mwenzi ambaye hakika ni wa mapenzi ya Mungu kwa mtu husika, imekuwa ni changamoto kubwa hasa kwa vijana na pia wale ambao bado hawajaoa au kuolewa.

Lengo la kitabu hiki ni ;

*kuwasaidia vijana wengi ambao bado hawajaoa au kuolewa kufanya maamuzi sahihi.

*Kuwapa maarifa wale ambao wanafuatwa na vijana wengi kwa lengo la kutaka kuwaoa, nini wafanye pindi wanapofuatwa na vijana wengi.

*Kuwapa uhakika / uthibitisho wale ambao tayari wameshafanya maamuzi haya na tayari wana wachumba kwamba wachumba hao wanatokana na Mungu au la.

*Kuwafariji na kutoa mwongozo kwa wale ambao huenda hamna anayejitokeza kutaka kuwaoa, wanaokataliwa na wale ambao wamechelewa kuolewa halafu wao wanafikiri ni laana.

*Kutoa mwongozo kwa wazazi, wachungaji, walezi, viongozi wa makundi ya kidini kuwasaidia vijana wao katika kufanya maamuzi haya makubwa .

*Kukusaidia kuzipinga hila zote za shetani katika safari hii ya maamuzi.

Kabla ya kuzitaja njia, ndani ya kitabu hicho nimetaja kwanza misingi unayotakiwa kuijua kabla ya kuzijua hizo njia nayo ni;

*Kwa kila jambo kuna majira yake hivyo hata wewe kuoa au kuolewa kwako kuna wakati wako maalumu.

*Mungu hatumii njia au mfumo wa aina moja katika kukujulisha wewe mwenzi wako.

*Mungu anavyo vigezo vya kwake ya kukupa mke au mme ambavyo si lazima viendane na vigezo vya kwako.

*Si kila mke au mme hutoka kwa Mungu.

*Mungu anapoamua kukupa wewe mke au mme anakuwa ameangalia mbali kuliko wewe unavyofikiria.

*Usimuombe Mungu akujulishe mke au mme wako wakati ndani yako umeshajichagulia wa kwako.

*Ni vema uwe umekomaa na umekua kiakili, kiufahamu, na kiroho kwanza kabla ya kufanya maamuzi kama haya na hujaokoka fanya maamuzi ya kuokoka maana ni kwa faida yako mwenyewe.

*Ni vema ukatambua ya kuwa mwenzi wako si lazima atoke kanisa lako, shule au chuo ulichosoma au kazini kwako nk.

Zifuatazo ni njia za kibiblia, ambazo hakika zimewasaidia wengi kuwajua na kuwapata wenzi wao wa maisha;

*Kwa kumcha Mungu, ( kumtii Mungu ).

*Kwa sauti ya Mungu mwenyewe.

*Amani ya Kristo.

*Upendo wa ki –Mungu ( wa Dhati ).

*Mafunuo ya ki-Mungu.

*Kwa kuyatenda mapenzi ya Mungu.

*Kulijua kusudi la Mungu katika maisha yako.

*Kuomba sawasawa na mapenzi ya Mungu.

*Wazazi /walezi/wachungaji/kiongozi wako katika kundi lenu.

*Dhamiri za watu wengine au ushuhuda wa watu wengine.

Mpenzi msomaji hapa nimetaja tu hiyo misingi na njia husika. Lakini ndani ya kitabu nimefafanua kila msingi na njia kimapana maana isingekuwa rahisi kuziweka kurasa zote za kitabu hiki humu ndani.

Kama huna kitabu na ungependa kupata kitabu au hata kumchukulia mtu mwingine nenda katika Category ya vitabu utapata maelekezo huko.

Bwana Mungu akubariki na akutangulie katika safari hii ya maamuzi makubwa katika maisha yako.

NJIA KUMI ZA KIBIBLIA ZA KUMPATA MWENZI WA MAISHA. « “UTAIINUA MISINGI YA VIZAZI VINGI”. Isaya 58:12

Tathmini ya Utawala wa Rais Kikwete (2005-2012)

JF Focus: Tathmini ya Utawala wa Rais Kikwete (2005-2012)
By Mwali
Swali la kwanza:

Rais Kikwete amekuwa madarakani tokea mwaka 2005. Ukilinganisha na utawala wa Marais wastaafu, Mwalimu Nyerere, Mzee Mwinyi na Mkapa, nini maoni yako kuhusiana na utawala Rais Kikwete? Rais Kikwete ana yapi ya kujivunia aliyofanya katika kipindi cha miaka aliyokaa madarakani? Jibu la swali liguse sekta zote kuanzia ya uchumi, afya, usafiri,sheria na utawala, michezo, n.k.

Una dakika kumi kujibu swali hili, kisha hapo nitamwelekeza Matola.
Kwanza kabisa napenda kuelezea kuwa nimefurahi sana kuwa swali limelenga moja kwa moja kwenye kulinganisha madaraka ya Rais wa sasa mpendwa Mheshimiwa Rais wa Jamhuri ya Muungano wa Tanzania Jakaya Mrisho Kikwete na awamu zilizopita za “Mwalimu Nyerere, Mzee Mwinyi na Mkapa”. Kama swali linavyojionesha “ana yapi ya kujivunia aliyofanya katika kipindi cha miaka aliyokaa madarakani?” katika nyanja tofauti, hususan “uchumi, afya, usafiri, sheria na utawala, michezo, n.k.”

Napenda kuainisha majibu yagu ya awali na kuwajulisha wasimamizi na wafatiliaji mnakasha huu huu, kuwa kila nyanja imesheheni nakshi na fasaha na tawimu teletele, kweny "post" hii ntaanza na moja la "uchumi" na post zifuatazo ntawasilisha yanayohusu mengineyo kama yalivyo kwenye swali:

Uchumi wakati wa Nyerere;

Ikumbukwe kuwa, wakati Mwalim Nyerere anapewa madaraka ya nchi hii uchumi wa Tanganyia ulikuwa mzuri sana hususan katika kilimo, Tanganyika ilikuwa ni muuzaji mkubwa wa mazao nje ya Tanganyika katika Afrika, Nyerere kwa muda mfupi tu akatutoa huko na kutufikisha kuwa waagiizaji wakibwa wa chakula.
Under his Presidency, Tanzania slipped from being the largest exporter of food in Africa to the biggest importer of food.

Source: Mwalimu Nyerere | Julius Nyerere; Life Times Legacy

Tanzania slipped from being the largest exporter of food in Africa to the biggest importer of food.

Source: Julius Nyerere - New World Encyclopedia

Kwa kifupi kwa kuwa hatumzungumzii Nyerere, na “sources” zipo nyingi sana zinazoonesha jinsi uchumi wetu ulivyoporomoka sana wakati wake, naomba atakae a google “economy collapsed during Nyerere” atajionea mwenyewe maana nikianza kuyabandika hapa tutatoka nje ya mnakasha.Kwa kifupi, hatuna cha kujivunia katika uchumi wakati wa Nyerere tuliushuhudia ukiporomoka kwa kujaribu kwake kufata mfumo wa ujamaa ambao ulishindwa kabisa.

Uchumi wakati wa Mwinyi;

Ikumbukwe kwamba Mwinyi ndiye alikuwa “savior” wa waTanzania mpaka akapewa jina la “Ruksa” kwa sababu ni yeye aliyetufungulia milango ya uchumi huria ni yeye aliyeleta maamuzi ya kufunga mashirika ya umma yaliyokuwa yananyonya uchumi wote wa Tanzania kwa kupewa ruzuku hata yanapofanya vibaya. Kwa kifupi Mzee Mwinyi alikuwa na kazi ngumu sana ya kutuondoa kwenye lindi la umaskini na kutuanzishia mfumo mpya wa uchumi ambao tunaendelea nao. Kwa hilo tumsifu Mzee Mwinyi:

During Mwinyi's terms Tanzania took the first steps to reverse the socialist policies of Julius Nyerere. [2] He relaxed import restrictions and encouraged private enterprise.

Soma zaidi: Ali Hassan Mwinyi - Wikipedia, the free encyclopedia

In 1986 the newly-appointed Mwinyi Government embarked on a broad-based Economic Recovery Program supported by the International Monetary Fund (IMF) and the World Bank. This was reinforced by an Economic and Social Action Program in 1989. Under these two programs, Government worked to dismantle the system of state controls and promote private sector expansion--including liberalizing the trade and exchange system, eliminating price controls and most state monopolies, and opening the financial sector to private sector participation. Rehabilitation of key infrastructure was also made a priority, particularly roads, railways, and ports.

Source: Foodnet-Uganda > Market Information

Uchumi wakati wa Mkapa;

Mkapa kwenye uchumi aliendeleza aliyoyanzisha Mwinyi nae akatia mkazo kwenye kukaribisha wageni kuwekeza tukaona “influx” ya makampuni makubwa ya kigeni yakipewa vitalu vya uwindaji, ardhi kubwa za kuchimba madini, Ulikuwa ni muelekeo mzuri kiuchumi kinadharia.

Kosa kubwa nilionalo ni pale “corruption” ya hali ya juu ilipokithiri wakati wa Mkapa, hususan baada ya kifo cha Nyerere. Madudu wmengi au karibu yote yanayoibuka sasa utakuta yameanzia au yemetendeka wakati wa Mkapa; EPA, KIWIRA, BOT, RADAR, kuainisha machache. Sina mengi ya kumsifu kwani kipindi chake cha mwisho aliharibu sana kwa kutuacha Kiza na kwa tuhuma nyingi za ufisadi zilizodhihirika “immediately” baada ya kuondoka kwake madarakani na mpaka leo bado zinatutesa.

Uchumi wakati wa Kiwete;

Rais Jakaya Mrisho Kikwete ana kila sababu za kujivunia katika uchumi wakati wa madaraka yake, kwa uchache kuhusu uchumi ni haya hapa yakiambatana na takwimu zilizo wazi kabisa:

Asalaam Aleykum,

kwanza nawapongeza kwa mara nyingine tena wale wote ambao wako kwenye mfungo wa mwezi mtukufu wa Ramadhan, nawapongeza na wale wengine wote wasiopo kwenye mfungo lakini wanauheshimu mwezi huu, wanaheshimu uamuzi wetu wakufunga na tunawashukuru zaidi kwa kutupa hamasa sisi tulio kwenye swaum.

Natamani kuingia moja kwa moja kwenye kujibu swali la kwanza, lakini uungwana hauniachi kufanya hivyo bali unanilazimisha kutoa pongezi zangu za dhati kwa walioubuni mnakasha huu. Natoa shukrani zangu pia kwa mshiriki mwenzangu wa mnakasha huu al maaruf Matola kwa kukubali kushiriki, halikadhalika natoa shukrani zangu kwa wote waliojitolea kuufatilia mnakasha huu.

Naanza:

Kwanza kabisa napenda kuelezea kuwa nimefurahi sana kuwa swali limelenga moja kwa moja kwenye kulinganisha madaraka ya Rais wa sasa mpendwa Mheshimiwa Rais wa Jamhuri ya Muungano wa Tanzania Jakaya Mrisho Kikwete na awamu zilizopita za “Mwalimu Nyerere, Mzee Mwinyi na Mkapa”. Kama swali linavyojionesha “ana yapi ya kujivunia aliyofanya katika kipindi cha miaka aliyokaa madarakani?” katika nyanja tofauti, hususan “uchumi, afya, usafiri, sheria na utawala, michezo, n.k.”

Napenda kuainisha majibu yagu ya awali kuyapanga kama yalivyo:

Uchumi wakati wa Nyerere;

Ikumbukwe kuwa, wakati Mwalim Nyerere anapewa madaraka ya nchi hii uchumi wa Tanganyia ulikuwa mzuri sana hususan katika kilimo, Tanganyika ilikuwa ni muuzaji mkubwa wa mazao nje ya Tanganyika katika Afrika, Nyerere kwa muda mfupi tu akatutoa huko na kutufikisha kuwa waagiizaji wakibwa wa chakula.

Under his Presidency, Tanzania slipped from being the largest exporter of food in Africa to the biggest importer of food.

Source: Mwalimu Nyerere | Julius Nyerere; Life Times Legacy

Tanzania slipped from being the largest exporter of food in Africa to the biggest importer of food.

Source: Julius Nyerere - New World Encyclopedia

Kwa kifupi kwa kuwa hatumzungumzii Nyerere, na “sources” zipo nyingi sana zinazoonesha jinsi uchumi wetu ulivyoporomoka sana wakati wake, naomba atakae a google “economy collapsed during Nyerere” atajionea mwenyewe maana nikianza kuyabandika hapa tutatoka nje ya mnakasha.

Kwa kifupi, hatuna cha kujivunia katika uchumi wakati wa Nyerere tuliushuhudia ukiporomoka kwa kujaribu kwake kufata mfumo wa ujamaa ambao ulishindwa kabisa.

Uchumi wakati wa Mwinyi;

Ikumbukwe kwamba Mwinyi ndiye alikuwa “savior” wa waTanzania mpaka akapewa jina la “Ruksa” kwa sababu ni yeye aliyetufungulia milango ya uchumi huria ni yeye aliyeleta maamuzi ya kufunga mashirika ya umma yaliyokuwa yananyonya uchumi wote wa Tanzania kwa kupewa ruzuku hata yanapofanya vibaya.

Kwa kifupi Mzee Mwinyi alikuwa na kazi ngumu sana ya kutuondoa kwenye lindi la umaskini na kutuanzishia mfumo mpya wa uchumi ambao tunaendelea nao. Kwa hilo tumsifu Mzee Mwinyi:

During Mwinyi's terms Tanzania took the first steps to reverse the socialist policies of Julius Nyerere. [2] He relaxed import restrictions and encouraged private enterprise.

Soma zaidi: Ali Hassan Mwinyi - Wikipedia, the free encyclopedia

In 1986 the newly-appointed Mwinyi Government embarked on a broad-based Economic Recovery Program supported by the International Monetary Fund (IMF) and the World Bank. This was reinforced by an Economic and Social Action Program in 1989. Under these two programs, Government worked to dismantle the system of state controls and promote private sector expansion--including liberalizing the trade and exchange system, eliminating price controls and most state monopolies, and opening the financial sector to private sector participation. Rehabilitation of key infrastructure was also made a priority, particularly roads, railways, and ports.

Source: Foodnet-Uganda > Market Information

Uchumi wakati wa Mkapa;

Mkapa kwenye uchumi aliendeleza aliyoyanzisha Mwinyi nae akatia mkazo kwenye kukaribisha wageni kuwekeza tukaona “influx” ya makampuni makubwa ya kigeni yakipewa vitalu vya uwindaji, ardhi kubwa za kuchimba madini, Ulikuwa ni muelekeo mzuri kiuchumi kinadharia.

Kosa kubwa nilionalo ni pale “corruption” ya hali ya juu ilipokithiri wakati wa Mkapa, hususan baada ya kifo cha Nyerere. Madudu wmengi au karibu yote yanayoibuka sasa utakuta yameanzia au yemetendeka wakati wa Mkapa; EPA, KIWIRA, BOT, RADAR, kuainisha machache. Sina mengi ya kumsifu kwani kipindi chake cha mwisho aliharibu sana kwa kutuacha Kiza na kwa tuhuma nyingi za ufisadi zilizodhihirika “immediately” baada ya kuondoka kwake madarakani na mpaka leo bado zinatutesa.

Uchumi wakati wa Kiwete;

Rais Jakaya Mrisho Kikwete ana kila sababu za kujivunia katika uchumi wakati wa madaraka yake, nnadiriki kusema kuwa hakuna nyanja ambayo Kikwete hajavunja rikodi zilopo kabla yake katika kuyatimiza. Kwa uchache kuhusu uchumi ni haya hapa yakiambatana na takwimu zilizo wazi kabisa:

1. USIMAMIZI WA UCHUMI JUMLA:

Ukuaji wa Uchumi Katika kipindi cha miaka minne (2005 – 2009). Uchumi umeendelea kuimarika na Pato la Taifa lilikua kwa wastani wa asilimia 7.2 kwa mwaka katika kipindi hicho. Ukuaji huu wa uchumi ulichangiwa zaidi na kuongezeka kwa shughuli za kiuchumi katika sekta za: Bidhaa za viwanda; ujenzi; fedha; na mawasiliano na uchukuzi.

2. PATO LA MTANZANIA;

Pato la Mtanzania limekuwa likiongezeka katika kipindi chote cha awamu ya nne kutoka Dola za Kimarekani 392.8 mwaka 2005 hadi dola 525.2 mwaka 2008.

3.MWENENDO WA RIBA;

Viwango vya riba vimeonesha mwelekeo mzuri hasa kuanzia mwaka wa fedha 2006/07, ambapo riba kwenye amana za akiba zimekuwa zikiongezeka, wakati riba zinazotozwa kwenye mikopo zimekuwa zikipungua. Katika kipindi cha nusu ya kwanza ya mwaka 2009/10 wastani wa viwango vya riba kwa amana za akiba za muda mfupi (hadi mwaka mmoja)ulikuwa asilimia 8.92 ikilinganishwa na wastani wa asilimia 5.21 katika mwaka wa fedha 2003/04.

Katika kipindi hicho, wastani wa viwango vya riba vilivyotozwa na benki za biashara kwa mikopo ya mwaka mmoja ulipungua hadi asilimia 13.93 kutoka asilimia 15.75. Kutokana na mwelekeo huo wa riba, tofauti kati ya viwango vya riba kwenye amana za mwaka mmoja na viwango vya riba kwenye mikopo ya mwaka mmoja ilishuka kutoka 10.54 mwaka 2003/04 hadi 5.01mwaka 2009/10, sawa na kushuka kwa asilimia 47.5.

4. BIASHARA YA BIDHAA NJE;

Mauzo ya bidhaa nje yaliongezeka kwa asilimia 3.2 hadi kufikia dola za Kimarekani 2,697.6 milioni mwezi Novemba 2009. Ongezeko hilo lilichangiwa na mauzo ya dhahabu kwa asilimia 9.0 hadi kufikia dola 1,023.8 milioni, tumbaku kwa asilimia 35.3 hadi kufikia dola 151.4. Aidha, mauzo ya kahawa nje yaliongezeka hadi kufikia dola 117.2 milioni, sawa na asilimia 29.0.

5.MAPATO YA NDANI;

Katika kipindi cha miaka minne, Wizara ya Fedha na Uchumi, kupitia Mamlaka ya Mapato Tanzania (TRA), imefanya marekebisho ya mifumo na viwango vya baadhi ya kodi. Hatua hii imesaidia kuweka mazingira mazuri zaidi ya uzalishaji kurahisisha ukusanyaji wa kodi. Aidha, wigo wa kodi umeongezeka katika kipindi hicho.

6.KUWEZESHA UPATIKANAJI WA MIKOPO;

Mikopo iliyotolewa na mabenki kwa sekta binafsi kwa ajili ya shughuli mbalimbali za kiuchumi iliongezeka kutoka shilingi bilioni 1,571.0 mwezi Desemba 2005 hadi shilingi bilioni 4,710.2 mwezi Juni 2009, sawa na ongezeko la wastani wa asilimia 34.5 kwa mwaka. Mwezi Oktoba 2009 mikopo hiyo ilikuwa imefikia shilingi bilioni 4,836.0. Aidha, wastani wa riba kwa dhamana zote ilishuka kutoka asilimia 16.4,

7.KUWAWEZESHA WAJASIRIAMALI;

Mifuko ya Dhamana ya Mikopo (Credit Guarantee Scheme): Kuanzishwa kwa Mfuko wa Dhamana wa mikopo kwa wafanyabiashara wadogo na wa kati (SME Credit Guarantee Scheme) ambao unaratibiwa na Benki Kuu kumeboresha mazingira ya wenye mitaji midogo na ya kati waweze kupatamikopo kutoka kwenye mabenki na taasisi za fedha. Tangu mfuko huu uanzishwe, jumla ya SMEs 48 zimepata udhamini wa mikopo yenye thamani ya shilingi bilioni 3.054. Kati ya wajasiliamali hao, sekta ya uzalishiji inaongoza ikifuatiwa na sekta za ujenzi na kilimo. Ili kuleta ufanisi zaidi, mwaka huu Serikali imetenga jumla ya Shilingi bilioni 10 kuongeza mtaji wa mfuko wa wajasiliamali wadogo na wa kati.

Kuongeza fedha katika Mfuko wa Uwezeshaji Kiuchumi wa wajasiriamali wadogo (Mfuko wa JK) kiasi cha Shilingi bilioni 10.5 kupitia benki ya NMB. ilitoa kiasi cha Shilingi bilioni 10.5 kupitia benki ya NMB (Shilingi bilioni 5.25) na CRDB (Shilingi bilioni 5.25). Kiasi hiki kiliwezesha kutolewa kwa mikopo ya Shilingi bilioni 37.17 ikiwa in asilimia 118 ya Shilingi 31.5 zilizotengwa kutolewa na benk hizo mbili.

Hayo ni baadhi tu ya mafanikio ya kujivunia ya kiuchumi Tanzania na yapo mengi sana, kuanzia mabarabara ya nayoendelea kujegwa hivi sasa, mitambo ya uzalishaji umeme inayoendelea kujengwa hivi sasa, kiwanda kikubwa cha chuma kinachoendelea kujengwa hivi sasa.

Licha ya hayo kuna msukumo ulifanyawa na Kikwete wa makusudi kabisa katika kuendeleza sekata ya mali asili na katika kipindi chake tumeona makampuni makubwa duniani yakivumbuwa gas ya asili kwa kiwango kikubwa sana na hili ni jema sana katika uchumi wetu wa siku za usoni. Hapa nnadiriki kusema kuwa wa kabla yake "uchumi walikuwa nao lakini waliukalia", Kikwete kabadili hilo badili ya kuukalia kausimamia kidete na matokeo hakuna asiyeyajuwa, Tanzania economy inabadilika kutoka kilimo kuwa namba moja kwenda kwenye Gas ya asili.

Hapo nimegusa uchumi tu, dakika kumi hazitoshi kuelezea mengi mema ya Kikwete.