HOJA ZINAZOTUMIWA NA WALIMU KUTETEA UVAAJI WA MAPAMBO

HOJA ZINAZOTUMIWA NA WALIMU KUTETEA UVAAJI WA MAPAMBO, KAMA ALIVYOCHAMBUA KAKA David Carol

Ni muhimu kufahamu kuwa mapambo katika biblia yanaitwa mavazi ya kikahaba (MITHALI 7:10).”Na tazama ,mwanamke akamkuta,Ana mavazi ya kikahaba,mwelevu wa moyo”.Mapambo yanahusianishwa na kazi za kikahaba (vyombo vya makahaba)[EZEKIELI 23:26-30,40,42].Sehemu nyingine mapambo yanaitwa vyombo vya uzuri (KUTOKA 33:4-6).

Ni muhimu kufahamu kuwa wapo walimu wa Neno la Mungu wanaotofautiana katika mafundisho yao kuhusiana na mapambo.Kundi moja lina msimamo mkali kinyume na mafundisho ya walimu wanaobariki uvaaji wa mapambo.Wanakuwa na maandiko wanayoyasimamia yanayokataza uvaaji wa mapambo .Baadhi ya maandiko hayo ni kama:-[1 TIMOTHEO 2:9-10; 1 PETRO 3:3-5; MWANZO 35:1-5; KUTOKA 33:4-6; EZEKIELI 23:26-30,40,42; ISAYA 3:16-24;; YEREMIA 4:3O].Mapambo yanayotakiwa ni mapambo ya rohoni.Mwanamke ajipambe kwa mapambyasiyoharibika,yasiyoonekana
Yaani,utu wema,utulivu, roho ya upole. iliyo na dhamani kuu mbele za Mungu (1 PETRO 3:3-5; 1 TIMOTHEO 2:9-10).Walimu hawa wanatilia mkazo sana juu ya kuishi maisha yanayoendana maagizo yote.Dauni anasema kuwa akiyaangalia maagizo yote hataaibika mbele za Mungu (ZABURI 119:6).Katika safari ya wana waIsraeli iliyokuwa na watu zaidi ya milioni mbili ni Yoshua na Kalebu tu waalioingia mjini Kanani katika hao wote waliotoka Misri.Mungu anatoa sababu,anasema ‘kwa kuwa walikuwa na roho nyingine ndani yao na kumuandama kwa moyo wote (HESABU 14:23-24).Kwa kuwa walimwandama Bwana kwa kila jambo (KUMBUKUMBU 1:35-39).
Safari ya wana Israeli kuelekea Kanani ni mfano wa safari yetu ya kwenda minguni (1WAKORITHO 10:10)..Kwahiyo,viwango ni vilevile kwa namna ya safari ya Waisraeli.Mtu ambaye hatafata maagizo yote ya Mungu katika Neno lake atakatiliwa mbali na uso wake kama alivyowafanya wana wa Israeli.Kwa kila tendo tufanyalo tulifanye kwa utukufu wa Mungu.Hawa walimu wanafundisha kuwa utakatifu ni mwili na roho (WAEBRANIA 12:14; 2WAKORITHO 7:1; 1WAKORITHO 7:34;1 WATHESALONIKE 5:23; MATHAYO 23:25-26)

Walimu wengine wanafundisha kinyume wakitumia maandiko machache kutetea hoja zao.Tuangalie hoja wanazo tumia na jinsi wanavyotafsiri maandiko kinyume na Kweli.
HOJA YA KWANZA
Mungu haangalii mambo ya nje,anaangalia mambo ya ndani tuKwamba mavazi hayawezi kumzuia mtu kuingia mbinguni.
Hoa hii siyo sahihi kwasababu Utakatifu ni mwil na roho (usafi wa roho na mwili)
[1WAKORITHO 7:34; 2WAKORITHO 7:1; 1WATHESALONIKE 5:23; MATHAYO 23:25-26).Tunatakiwa kusafisha ndani kwanza kasha nje, hapo ndipo tutakuwa tumeutimiza utakatifu wote (mwili na roho).Kwa hiyo si sahihi kuhalarisha mapambo kwa visingizio vya hoja hiyo.
HOJA YA PILI
Tuko huru ndani ya Yesu.palipo na roho wa Mungu ndipo penye uhuru.
Wanasema kuwa tuko huru,hatuko chini ya sheria (WAGALATIA 5:1; 2WAKORITHO 3:17).,Uhuru unaozungumziwa hapa si wa kufanya kitu chochote kinyume na mapenzi ya Mungu.Uhuru uaozungumziwa hapa ni uhuru wa kuwa mbali na dhambi.Kabla hatujaokoka tulikuwa watumwa wa dhambi (YOHANA 8:33-36).Yesu alizungumzia uhuru wa kuwa mbali na dhambi..Mtu akiokoka anakuwa mtumwa wa haki (WARUMI 6:16-18)
Pia wanafundisha wakisema hatuko chini ya sheria lakini ni muhimu kujua sheria ipi inazungumziwa (WAGALATIA 4:5).Sheria inayozungumziwa kuwa hatuko chini yake ni sheria ya Musa.Sisi tuliookolewa kwa damu ya Yesu,hatuko chini ya sheria ya Musa,tunaongozwa na kutawaliwa na sheria ya Yesu (WAEBRANIA 10:28; WAGALATIA 6:2).Tukisema kuwa hatuko chini ya sheria tunasemaje kuwa sisi ni wenye haki? Haki haipatikani pasipo na sheria (WARMI 6:14).Dhambi ni uasi wa sheria (1YOHANA 3:4).Kwa hiyo,tusidanganywe kuwa sheria ya Yesu ni lsi ngumu ukilinganisha na sheria ya Musa.Tunamuona Yesu akifanya marekebisho ya sheria ya Musa tena akiongeza au akikaza viwango (MATHAYO 5:27-28,33-34,43-44).Yesu anasema ukimtaza mke wa mtu kwa kumtamani tayari unahesabika mzinzi lakini kwa Musa ilikuwa mpaka umefanya kitendo cha uzinifu.Sheria ya Yesu inaitwa sheria ya Kifalme (YAKOBO 2:8)Sheria ya kifalme siyo ya kuchezea.Tunapaswa kufanya mapenzi yote ya Bwana (WAEBRANIA 13:20-21)
HOJA YA TATU
Tuvae vyovyote ili tuwapate na mataifa
Msingi umekwisha kuwekwa,yeyote anatakiwa kujenga juu ya msingi huo
(1 WAKORITHO 3:11).Msingi wa mafundisho yetu ni Yesu mwenyewe.Katika kanisa lake hakushusha viwango vya mafundisho hata pale ambapo mafundisho yalionekana kuwa magumu kwao (YOHANA 6:61,66-68).Ukisoma andiko hilo utaona jinsi Yesu alivyofundisha na wanafunzi wengi wakalejea nyuma kabisa wasiandamane naye tena.
Lakini Yesu hakushusha viwango hata kidogo,hata mitume walipobaki aliwauliza kama wanataka kuondoka,wakitaka waondoke tu.Walikwazwa na mafundisho yaliyoonekana kuwa magumu kwao.
Ni muhimu kufahamu kuwa Yesu ndiye mchungaji mkuu wa kondoo .Mchungaji yeyote ni msaidizi kwa Yesu, hivyo wanapaswa kufuata mfano wa viwango vya mchungaji mkuu.Yesu hakushusha viwango ili aendelee kuwa na washirika wanaokwazwa na Neno gumu.Pia ni muhimu kwa wachungaji wa kufahamu kuwa kuna mafundisho ya watoto wachanga kiroho na mafundisho ya watu waliokuwa kiroho.Mtoto mchanga ukimfundisha Neno gumu litamfanya kuona wokovu kuwa ni mgumu.Ataona sheria sheria zimezidi na anaweza hata akarudi nyuma kiroho.
Mchungaji mkuu Yesu Kristo alisema njia iendayo uzimani ni nyembamba,tena imesongwa, waionao ni wachache (MATHAYO 7:13-14).Hatutakiwi kushusha viwango vya mafundisho yetu ili tuwapate wengi.Unaweza kuwa na kanisa kubwa sana linaloonekana kwa macho kuwa ni kubwa kumbe hakuna hata mmoja kati yao aliyeandikwa mbinguni.Kuna kanisa linaloonekana na kanisa lisiloonekana.Kuna kanisa ambalo majina yake yameandikwa duniani na kanisa ambalo majina yake yameandikwa mbinguni (WAEBRANIA 12:22_23).
KWA NINI WANAPOTOSHA NENO LA MUNGU?
Yesu Kristo alisema kuwa siku za mwisho maasi yataongezeka na upendo wa watu wengi utapoa (MATHAYO 24:12).Upendo wa kumpenda Mungu,yaani kuzishika sheria na amri zake zote.Kyatii maagizo yake yote (YOHANA 14:21,23).Unabii huo wa Yesu wa upendo kupoa umekwisha kutimia (UFUNUO 3:15-16).Kanisa la leo limekuwa vuguvugu,ya dunia linataka na mbingu linataka.Yesu anatutaka tuchague kuwa moto au kuwa baridi wala si kuwa vuguvugu.Vuguvugu watatapikwa.Kanisa la leo linafananishwa na kanisa Laodokia (kanisa vuguvugu) linalotaka kufanya chochote kile bila kukemewa (freedom of right).Paulo alitabiri kuwa utakuja wakati ambapo watu hatahitaji kuelezwa habari yoyote ya Kweli,wakizifuata hadithi za uongo.watu ambao watajitafutia walimu wawapendao ambao hawawezi kuwakemea (2Ttimotheo 4:3-5).
Pia nyakati za nabii Isaya walikuwepo watu waliopenda kudanganywa,waliopenda mafundisho laini yadanganyayo (ISAYA 30:9-10).Hata nyakati hizi watu wanapenda sana kudanganywa.Wanapenda kukaa katika makanisa (madhehebu) ambayo viwango vyao sivya kibiblia.
Sababu kubwa ya kuchujwa cha viwango vya Neno la Mungu ni ili washirika wasipungue kanisani.Pia ili wengi waweze kuja na kanisa liongezeke.Lengo la wachungaji wa namna hii ni kutaka kujipatia fedha ya aibu..Siku ya mwisho watapata aibu na kudharaulika,Hawawazii juu ya roho za waumini,jicho lao ni pesa.Waumini wanapaswa kuwa makini na mafundisho wanayofundishwa.Wanapaswa kuyachunguza maandiko kuona kama ndivyo yalivyo (MATENDO 17:10-11).Waberoya walikuwa na hekima sana,wao waliyachunguza maandiko wakati Paulo na Sila wanahubiri.Hata somo hili na maandiko yote usiyapuzie na kuona kuwa huyu si wa dhehebu langu.Mbingu ni moja,Mungu mmoja,na njia ni moja Yesu Kristo Mwokozi wetu.
IWENI WATENDAJI WA NENO WALA SI WASIKIAJI TU
[YAKOBO 1:22]